AQSh sanktsiiasy qazaqstandyq kásipkerlerdiń Reseidegi jobasyna áser etti, - dep habarlaidy Dalanews.kz.
Reseidiń Chýkot avtonomiialy okrýginde ornalasqan altyn-mys ken orny - Baim jobasy KAZMinerals aktsionerleri Vladimir Kim men Oleg Novachýkke tiesili. Nege.Aqsha málimetinshe, AQSh sanktsiialar tizimine engizilgennen keiin bul ken ornyna qaýip tóndi. Al bul degenimiz AQSh-taǵy shottar buǵattalatynyn jáne amerikalyq rezidenttermen yntymaqtastyqqa tyiym salynatynyn bildiredi.
"KAZMinerals Baim ken ornyn Roman Abramovichten 5 jyl buryn 900 million dollarǵa satyp aldy jáne jobany damytýǵa 8 milliard dollar kóleminde qarajat salý josparlanǵan edi. Alaida kompaniia osy bankke salynǵan sanktsiialarǵa bailanysty VTB bankinen alynǵan 3,6 milliard dollarlyq nesieni ótei almady, keiin jaǵdai ózgerdi. Byltyr Kim men Novachýk KAZMinerals-ty jobadan shyǵarýǵa májbúr boldy, ony jańadan tirkelgen Trianon Limited kompaniiasyna aýystyrdy", - dep jazylǵan arna málimetinde.
Aita keteiik, Baim – ashyq tiptegi igerilmegen iri mys alańdarynyń biri. Ken qory 9,5 million tonna mys dep baǵalanǵan. Kendegi mystyń úlesi 0,43 paiyz bolsa, ár tonnasynan 0,23 gramm altyn alynady degen boljam bar. Iaǵni, 9,5 million tonna kennen 16,5 million ýntsiia altyn igeriledi degen sóz.
Alǵashqy 10 jylda Baim baýraiynan 250 myń tonna mys, 400 myń ýntsiia altyn alý josparlanǵan edi. Qalǵan kendi 15 jyldyń ishinde igerý kózdelgen bolatyn. Osylaisha Chýkot óńirinde KAZ Minerals toby keminde 25 jyl jumys isteitin jospar bolǵan edi.
"Baim jobasyn satyp alý - KAZ Minerals-tyń tranformatsiiasyndaǵy mańyzdy qadam. Reseidegi bul jańa jobany igerý bizge saladaǵy kóshbasshylyq ósimdi jalǵastyrýymyzǵa jaǵdai jasaidy. Biz Baim kenishin igerip bastaǵan tusta mys tapshylyǵy paida bolady degen boljam bar" – degen bolatyn KAZ Minerals toby direktorlar keńesiniń tóraǵasy Oleg Novachýk birneshe jyl buryn.
