AQSh memlekettik departamenti «Promcomplektlogistic» kompaniiasyna salynǵan sanktsiia búkil álem boiynsha jasalǵan «eskertý» ekenin málimdedi. «Eger sanktsiia engizilgen zańdy ia jeke tulǵamen biznes júrgizetin bolsańyz, onda sizge de sanktsiia jariialanýy múmkin ekenin bilgenińiz abzal» deidi memlekettik departament.
Sanktsiia engizilgen «Promcomplektlogistic» kompaniiasynyń AQSh-taǵy barlyq múlki buǵattalyp, amerikalyq kompaniialarǵa onymen iskerlik bailanys ornatýǵa tyiym salynady.
Ashyq derek kózderindegi málimetterde 2018 jyly qurylǵan, Tashkentte tirkelgen «Promcomplektlogistic» kompaniiasy qurlyqta júretin kólikke qyzmetin kórsetýmen ainalysady. Kompaniianyń qojaiyny Oleg Grabilinniń Reseide de birneshe kompaniiasy bar eken.
Kompaniia basshylyǵy da, onyń menshik iesi de AQSh sanktsiiasyna bailanysty ázirge eshqandai pikir bildirgen joq.
