AQSh Memlekettik departamenti immigratsiialyq vizalarǵa qatysty erejelerdi jańartty. Qazaqstan azamattary úshin 2026 jyldyń qańtarynan bastap mundai vizalardy berý ýaqytsha toqtatylady. Alaida ótinish tapsyrý jáne suhbattan ótý múmkindigi saqtalady, dep habarlaidy Dalanews.kz.
AQSh Memlekettik departamenti birqatar el azamattaryna arnalǵan immigratsiialyq vizalarǵa qatysty jańartylǵan talaptardy jariialady. Qujatta vizalyq saiasattyń qaita qaralyp, bolashaq immigranttardyń qarjylyq derbestigine basymdyq beriletini aitylǵan.
«Prezident Donald Tramp immigranttar qarjylyq turǵydan óz-ózin qamtamasyz etip, amerikalyqtar úshin qosymsha salmaq bolmaýy tiis ekenin anyq aitty»,- delingen jariialanymda.
2026 jylǵy 21 qańtardan bastap Memlekettik departament 75 eldiń azamattaryna immigratsiialyq vizalar berýdi ýaqytsha toqtatady. Bul tizimge Qazaqstan da engen.
Sonymen qatar, qazaqstandyqtar burynǵydai ótinish tapsyryp, suhbattan óte alady, alaida osy kezeńde immigratsiialyq vizalar berilmeidi.
Erekshe jaǵdai tek qos azamattyǵy bar tulǵalarǵa qarastyrylǵan: eger olar tizimge kirmeitin eldiń pasportymen qujat tapsyrsa, shekteý qoldanylmaidy.
Buǵan deiin berilgen vizalar bul ózgeriske jatpaidy, olar joiylmaidy. AQSh-qa kirý máseleleri boiynsha AQSh Ishki qaýipsizdik ministrligine júginý qajet.
Týristik vizalarǵa bul shekteýler qoldanylmaidy, ýaqytsha toqtatý tek immigratsiialyq vizalarǵa qatysty.
