Brent markaly munaidyń bir barreliniń quny 64 dollarǵa deiin tómendedi (-3,9%), WTI fiýchersteri de minýsqa ketti. Naryq geosaiasi ahýalǵa qarai ózgeris jasaýda. Atap aitqanda, Donald Tramp Dohada Vashington men Tegeran iadrolyq baǵdarlama boiynsha "mámilege kelýge jaqyn" dep málimdedi edi. Al búgin Irannyń ózinen sanktsiia alynsa, bul kelisimge kelisýi múmkin ekeni belgili boldy. Bul degenińiz, naryqta munai usynysy artyp, baǵanyń taǵy tómendeýin baiqatady, dep habarlaidy Dalanews.kz.
NBC News telearnasy Irannyń kóshbasshysy aiatolla Áli Hameneidiń keńesshisi Áli Shahmanige silteme jasai otyryp, eger AQSh Iranǵa salynǵan sanktsiialardy alatyn bolsa, onda qarsy tarap iadrolyq baǵdarlama boiynsha shekteýlerge barýy múmkin ekenin habarlady.
"Mine, osy aqparat naryqtardaǵylardy abyr-sabyr etti. Óitkeni bir kún buryn ǵana sanktsiialyq qysymdy qatańdatý máselesi qozǵalyp jatqan Iran osyndai diplomatiialyq serpilis jasady. Iaǵni, Tramp óz aitqanyna Irandy kóndirip, ózara kelisimge kele alsa, onyń ústine OPEK-tiń mamyr aiynda óndiristi arttyratynyn esepke alsaq, onda 2025 jyldyń ekinshi jarty jyldyǵynda álemdik naryqta suranystan góri usynys óte joǵary bolmaq", dep jazady BSC Invest.
Aita ketsek, AQSh Qarjy ministrliginiń Sheteldik aktivterdi baqylaý basqarmasy (OFAC) taratpaý baǵdarlamalary men Iran sanktsiialar sheńberinde sanktsiialar tizimderin jańartty. Jańa sharalar Irannyń qarý-jaraq baǵdarlamasyn qoldaýǵa qatysqan jeke jáne zańdy tulǵalarǵa, sonyń ishinde Qytai jáne Gonkong kompaniialaryna baǵyttalǵan. Sonyń ishinde Islam revoliýtsiiasy saqshylary korpýsynyń (KSIR) zymyrandyq jáne aeroǵaryshtyq júielerin ázirleýmen bailanysty joǵary tehnologiialyq materialdar men jabdyqtardy jetkizý tusy da qamtylady.
OFAC Iran men onyń Aziiadaǵy seriktesterine zymyran men Aeroǵaryshtyq baǵdarlamalardy jetkizý tizbegine baǵyttalǵan qysymdy kúsheitýdi jalǵastyrýda. Qytai kompaniialaryna tizeni batyrýda AQSh-tyń tehnologiiany Iranǵa berýdegi Beijiń róline kóptiń kóbirek nazar aýdarýǵa tyrysýda. Sanktsiiaǵa Qytai (Qin Dehui, Qin Jinhua, Wang Chao jáne t.b.) jáne Irannyń (Rezai Mohammad jáne t. b.) azamattary, sondai-aq Qytai, Iran jáne Gonkong kompaniialary da ilindi.
Tizimge engizilgen qytailyq negizgi kompaniialar - Shanghai Tanchain New Material Technology, Reso Trading Shanghai, Qingdao Premier Technology jáne t. b.
Iran qurylymdary — Advanced Fiber Development, Narin Sepehr Mobin Isatis, Pishtazan kavosh gostar Boshra, KSIR jáne onyń aeroǵaryshtyq bólimsheleri.
Barlyq atalǵan adamdar men uiymdar qosarlas sanktsiialarǵa ushyraýda — bul olarmen jumys isteitin kez kelgen tarap úshin shekteýler qaýpin arttyrady.
