Brent ماركالى مۇنايدىڭ ءبىر باررەلىنىڭ قۇنى 64 دوللارعا دەيىن تومەندەدى (-3،9%)، WTI فيۋچەرستەرى دە مينۋسقا كەتتى. نارىق گەوساياسي احۋالعا قاراي وزگەرىس جاساۋدا. اتاپ ايتقاندا، دونالد ترامپ دوحادا ۆاشينگتون مەن تەگەران يادرولىق باعدارلاما بويىنشا "مامىلەگە كەلۋگە جاقىن" دەپ مالىمدەدى ەدى. ال بۇگىن يراننىڭ وزىنەن سانكسيا الىنسا، بۇل كەلىسىمگە كەلىسۋى مۇمكىن ەكەنى بەلگىلى بولدى. بۇل دەگەنىڭىز، نارىقتا مۇناي ۇسىنىسى ارتىپ، باعانىڭ تاعى تومەندەۋىن بايقاتادى، دەپ حابارلايدى Dalanews.kz.
NBC News تەلەارناسى يراننىڭ كوشباسشىسى اياتوللا ءالي حامەنەيدىڭ كەڭەسشىسى ءالي شاحمانيگە سىلتەمە جاساي وتىرىپ، ەگەر اقش يرانعا سالىنعان سانكسيالاردى الاتىن بولسا، وندا قارسى تاراپ يادرولىق باعدارلاما بويىنشا شەكتەۋلەرگە بارۋى مۇمكىن ەكەنىن حابارلادى.
"مىنە، وسى اقپارات نارىقتارداعىلاردى ابىر-سابىر ەتتى. ويتكەنى ءبىر كۇن بۇرىن عانا سانكسيالىق قىسىمدى قاتاڭداتۋ ماسەلەسى قوزعالىپ جاتقان يران وسىنداي ديپلوماتيالىق سەرپىلىس جاسادى. ياعني، ترامپ ءوز ايتقانىنا يراندى كوندىرىپ، ءوزارا كەلىسىمگە كەلە السا، ونىڭ ۇستىنە وپەك-تىڭ مامىر ايىندا ءوندىرىستى ارتتىراتىنىن ەسەپكە الساق، وندا 2025 جىلدىڭ ەكىنشى جارتى جىلدىعىندا الەمدىك نارىقتا سۇرانىستان گورى ۇسىنىس وتە جوعارى بولماق"، دەپ جازادى BسC Invest.
ايتا كەتسەك، اقش قارجى مينيسترلىگىنىڭ شەتەلدىك اكتيۆتەردى باقىلاۋ باسقارماسى (OFAC) تاراتپاۋ باعدارلامالارى مەن يران سانكسيالار شەڭبەرىندە سانكسيالار تىزىمدەرىن جاڭارتتى. جاڭا شارالار يراننىڭ قارۋ-جاراق باعدارلاماسىن قولداۋعا قاتىسقان جەكە جانە زاڭدى تۇلعالارعا، سونىڭ ىشىندە قىتاي جانە گونكونگ كومپانيالارىنا باعىتتالعان. سونىڭ ىشىندە يسلام ريەۆوليۋسياسى ساقشىلارى كورپۋسىنىڭ (كسير) زىمىراندىق جانە اەروعارىشتىق جۇيەلەرىن ازىرلەۋمەن بايلانىستى جوعارى تەحنولوگيالىق ماتەريالدار مەن جابدىقتاردى جەتكىزۋ تۇسى دا قامتىلادى.
OFAC يران مەن ونىڭ ازياداعى سەرىكتەستەرىنە زىمىران مەن اەروعارىشتىق باعدارلامالاردى جەتكىزۋ تىزبەگىنە باعىتتالعان قىسىمدى كۇشەيتۋدى جالعاستىرۋدا. جۇڭگو كومپانيالارىنا تىزەنى باتىرۋدا اقش-تىڭ تەحنولوگيانى يرانعا بەرۋدەگى بەيجىڭ رولىنە كوپتىڭ كوبىرەك نازار اۋدارۋعا تىرىسۋدا. سانكسياعا جۇڭگو (Qin Dehui، Qin Jinhua، Wang Chao جانە ت.ب.) جانە يراننىڭ (Rezai Mohammad جانە ت. ب.) ازاماتتارى، سونداي-اق جۇڭگو، يران جانە گونكونگ كومپانيالارى دا ءىلىندى.
تىزىمگە ەنگىزىلگەن قىتايلىق نەگىزگى كومپانيالار - Shanghai Tanchain New Material Technology، Reso Trading Shanghai، Qingdao Premier Technology جانە ت. ب.
يران قۇرىلىمدارى — Advanced Fiber Development، Narin Sepehr Mobin Isatis، Pishtazan kavosh gostar Boshra، كسير جانە ونىڭ اەروعارىشتىق بولىمشەلەرى.
بارلىق اتالعان ادامدار مەن ۇيىمدار قوسارلاس سانكسيالارعا ۇشىراۋدا — بۇل ولارمەن جۇمىس ىستەيتىن كەز كەلگەن تاراپ ءۇشىن شەكتەۋلەر ءقاۋپىن ارتتىرادى.
