Floridada Ýkraina men AQSh delegatsiialary Donald Tramptyń beibit jospary boiynsha kelissózder ótkizdi. Taraptar negizgi máselelerde naqty kelisimge kelgen joq, dep habarlaidy Dalanews.kz.
AQSh memlekettik hatshysy Marko Rýbio kezdesý nátijesi "ónimdi" bolǵanyn aitty, biraq kelissózderde daý týdyratyn tustar kóp ekenin moiyndady. Onyń aitýynsha, basty maqsat - soǵysty toqtatý ǵana emes, Ýkrainaǵa uzaq merzimdi qaýipsizdik pen turaqty bolashaq qamtamasyz etý.
Rýbio jumys jalǵasatynyn, arnaiy ókil Stiven Ýitkoff osy aptada Máskeýge baryp, kelissózderdiń kelesi kezeńin ótkizetinin aitty.
Ol beibit jospar Ýkraina úshin jańa, burynǵydan da tabysty kezeń ashýǵa baǵyttalǵanyn jetkizdi.
Buǵan deiin Donald Tramp Resei keibir tarmaqtar boiynsha kelisimge daiyn ekenin, al jospardyń ózi 28 tarmaqtan 22 tarmaqqa qysqarǵanyn aitqan edi. Al Resei prezidenti Vladimir Pýtin "Ýkrainamen zańdy kelisimge kelý múmkin emes" dep málimdedi.
Rýbionyń sózinshe, Ýkraina delegatsiiasymen ótken kezdesýde sońǵy sheshim qabyldanbaǵan, kelissózderge áli de ýaqyt qajet.
