AQSh-tyń Qazaqstandaǵy elshisi bolýǵa úmitker Djýli Stafft Astanaǵa Máskeý men Beijiń yqpalyna qarsy turýǵa kómektesýge ýáde berdi, dep habarlaidy Dalanews.kz.
AQSh Senatynyń halyqaralyq ister jónindegi komitetinde ótken tyńdaýlarda Qazaqstandaǵy amerikalyq elshi qyzmetine úmitker Djýli Stafft óz baǵdarlamasyn tanystyrdy. Ol taǵaiyndalǵan jaǵdaida Vashington men Astana arasyndaǵy ekonomikalyq bailanystardy nyǵaitýǵa, sondai-aq Resei men Qytaidyń Qazaqstandaǵy yqpalyna qarsy áreket etýge nietti ekenin málimdedi.
Staffttiń aitýynsha, AQSh Qazaqstannyń táýelsizdigin alǵash bolyp moiyndaǵan el retinde 1991 jyldan beri el úkimeti men halqyna qoldaý kórsetip keledi.
«Biz Qazaqstannyń iadrolyq jáne biologiialyq keńestik qarýynan arylýyna kómektestik. Keiin amerikalyq energetikalyq kompaniialar el ekonomikasyna milliardtaǵan dollar investitsiia saldy. Bul ekijaqty áriptestik búgin de óz jemisin berip otyr», – dedi diplomat.
Ol Qazaqstandy «ýran óndirisi boiynsha álemdik kóshbasshy, munai eksporttaýshy iri el jáne sirek kezdesetin paidaly qazbalarǵa bai memleket» dep sipattady. Osy rette Stafft AQSh pen Qazaqstan arasynda jańa energetikalyq jáne saýda salasyndaǵy yntymaqtastyq dáýiri bastalýy múmkin ekenin aitty.
Resei men Qytai yqpalyna qarsy turý
Djýli Staffttyń aitýynsha, Resei Qazaqstanmen álemdegi eń uzyn qurlyq shekarasy arqyly yqpalyn saqtap otyr, al Qytai telekommýnikatsiia men paidaly qazbalar salasyn baqylaýǵa tyrysyp keledi.
«AQSh úshin Qazaqstannyń táýelsiz, turaqty jáne órkendegen memleket bolǵany mańyzdy», – dedi ol.
Elshi qyzmetine taǵaiyndalsa, Stafft Qazaqstanǵa Reseiden táýelsiz eksporttyq baǵyttardy tabýǵa kómektesýge ýáde etti. Bul turǵyda, sarapshylardyń pikirinshe, Kaspii qubyr konsortsiýmy arqyly eksporttalatyn qazaqstandyq munaidyń 80 paiyzy reseilik aýmaq arqyly ótetinin eskersek, jańa baǵyttar izdeý strategiialyq mańyzǵa ie.
Investitsiia men qorǵanys salasyndaǵy yntymaqtastyq
Stafft AQSh-tyń Qazaqstanǵa energetika, tehnologiia jáne infraqurylym salalarynda investitsiia tartýǵa múddeli ekenin atap ótti. Sonymen qatar ol sirek kezdesetin mineraldar sektoryna investitsiia tartýdy jáne qorǵanys salasyndaǵy áriptestikti damytýdy basym baǵyttar qataryna engizdi.
Diplomatiialyq qyzmette 25 jyldan astam tájiribesi bar Djýli Stafft buǵan deiin Resei, Moldova, Polsha, Efiopiia jáne Djibýti elderinde jumys istegen. Ol orys, rýmyn, frantsýz jáne poliak tilderin meńgergen. Qazirgi tańda ol 2024 jyldyń qańtarynda diplomatiialyq mansabyn aiaqtaǵan Deniel Rozenbliýmniń yqtimal izbasary retinde qarastyrylyp otyr.
