AQSh Qarjy ministrliginiń Sheteldik aktivterdi baqylaý basqarmasy (OFAC) qazaqstandyq "Týr Invest" kompaniiasyn sanktsiia tizimine engizdi. Kompaniia Irannyń Mahan Air áýe kompaniiasymen bailanysy úshin AQSh-tyń ekinshi deńgeili sanktsiiasyna ushyraý qaýpinde tur, dep habarlaidy dalanews.kz.
OFAC málimetinshe, Almatyda tirkelgen "Týr Invest" Irannyń Mahan Air áýe kompaniiasynyń jergilikti satý agenti retinde jumys isteidi. Mahan Air Almatyǵa da reister oryndaidy.
Alaida Secondary sanctions risk degen belgi kompaniiaǵa qazirdiń ózinde sanktsiia salyndy degendi bildirmeidi. Sanktsiia engizilgen bolsa, OFAC qujatynda Subject to Secondary Sanctions degen belgi kórsetiler edi. Sondyqtan ázirge AQSh tarapy "Týr Investke" qandai shara qoldanýy múmkin ekeni belgisiz.
Aita keteiik, "Týr Invest" JShS 2014 jyly qurylǵan. Kompaniia shaǵyn kásiporyn retinde tirkelgen. Ol biýdjetke 18,2 million teńge salyq tólegen. Qujat boiynsha onyń negizgi qyzmeti - týristik operator.
Sonymen qatar, Qazaqstan sanktsiia qysymyna iligý qaýpi bar jalǵyz el emes. OFAC-tyń jańa tizimine Malaiziia, Túrkiia, Birikken Arab Ámirlikteri jáne Ulybritaniiada tirkelgen kompaniialar da engizilgen. Olardyń barlyǵy Irannyń áýe kompaniialarymen qandai da bir bailanysy bar uiymdar retinde kórsetilgen.
