اقش قارجى مينيسترلٸگٸنٸڭ شەتەلدٸك اكتيۆتەردٸ باقىلاۋ باسقارماسى (OFAC) قازاقستاندىق "تۋر ينۆەست" كومپانيياسىن سانكتسييا تٸزٸمٸنە ەنگٸزدٸ. كومپانييا يراننىڭ Mahan Air ەۋە كومپانيياسىمەن بايلانىسى ٷشٸن اقش-تىڭ ەكٸنشٸ دەڭگەيلٸ سانكتسيياسىنا ۇشىراۋ قاۋپٸندە تۇر, دەپ حابارلايدى dalanews.kz.
OFAC مەلٸمەتٸنشە, الماتىدا تٸركەلگەن "تۋر ينۆەست" يراننىڭ Mahan Air ەۋە كومپانيياسىنىڭ جەرگٸلٸكتٸ ساتۋ اگەنتٸ رەتٸندە جۇمىس ٸستەيدٸ. Mahan Air الماتىعا دا رەيستەر ورىندايدى.
الايدا Secondary sanctions risk دەگەن بەلگٸ كومپانيياعا قازٸردٸڭ ٶزٸندە سانكتسييا سالىندى دەگەندٸ بٸلدٸرمەيدٸ. سانكتسييا ەنگٸزٸلگەن بولسا, OFAC قۇجاتىندا Subject to Secondary Sanctions دەگەن بەلگٸ كٶرسەتٸلەر ەدٸ. سوندىقتان ەزٸرگە اقش تاراپى "تۋر ينۆەستكە" قانداي شارا قولدانۋى مٷمكٸن ەكەنٸ بەلگٸسٸز.
ايتا كەتەيٸك, "تۋر ينۆەست" جشس 2014 جىلى قۇرىلعان. كومپانييا شاعىن كەسٸپورىن رەتٸندە تٸركەلگەن. ول بيۋدجەتكە 18,2 ميلليون تەڭگە سالىق تٶلەگەن. قۇجات بويىنشا ونىڭ نەگٸزگٸ قىزمەتٸ - تۋريستٸك وپەراتور.
سونىمەن قاتار, قازاقستان سانكتسييا قىسىمىنا ٸلٸگۋ قاۋپٸ بار جالعىز ەل ەمەس. OFAC-تىڭ جاڭا تٸزٸمٸنە مالايزييا, تٷركييا, بٸرٸككەن اراب ەمٸرلٸكتەرٸ جەنە ۇلىبريتانييادا تٸركەلگەن كومپانييالار دا ەنگٸزٸلگەن. ولاردىڭ بارلىعى يراننىڭ ەۋە كومپانييالارىمەن قانداي دا بٸر بايلانىسى بار ۇيىمدار رەتٸندە كٶرسەتٸلگەن.
