Sońǵy úsh apta ishinde AQSh áskeri-teńiz kúshteri Ormýz buǵazy arqyly shamamen 70 saýda kemesiniń qaýipsiz ótýine kómektesken. Bul týraly aqparattandyrylǵan resmi tulǵalarǵa silteme jasap The New York Times basylymy habarlady, dep habarlaidy dalanews.kz.
Basylym málimetinshe, bul qadam Iranmen soǵysty toqtatý jónindegi kelissózderdiń tuiyqqa tirelýi aiasynda aimaqtaǵy qaýip-qater kúsheigen kezeńde jasalǵan.
Derekkózdiń aitýynsha, AQSh Qarýly kúshteriniń Ortalyq qolbasshylyǵy (CENTCOM) sońǵy úsh apta ishinde Parsy shyǵanaǵyna kirgen jáne odan shyqqan shamamen 70 kommertsiialyq kemeni Ormýz buǵazy arqyly alyp ótken.
Sondai-aq, aqparat kóziniń málimetinshe, kemelerdiń basym bóligi tar buǵazdan ótý kezinde anyqtalmaý úshin transponderlerin óshirgen.
Ormýz buǵazy álemdik munai tasymalynyń mańyzdy baǵyttarynyń biri sanalady. Sondyqtan aimaqtaǵy kez kelgen shielenis halyqaralyq saýda men energetikalyq naryqtarǵa áser etýi múmkin.
