AQSh Irannyń ońtústigindegi Bender-Abbas aýdanyna jańa áýe soqqysyn jasady. Bul týraly NBC News telearnasy AQSh Qarýly kúshteri Ortalyq qolbasshylyǵynyń ókili Tim Hokinske silteme jasap habarlady, dep habarlaidy dalanews.kz.
Áskeri vedomstvo málimetinshe, operatsiia «qorǵanys maqsatynda» júrgizilgen. Nysana retinde zymyran qondyrǵylary men minalar ornalastyrýǵa árekettengen irandyq katerler tańdalǵan. Soqqy Ormýz buǵazy mańyndaǵy Bender-Abbas aýdanynda jasalǵan.
Sonymen qatar AQSh pen Iran arasynda 8 sáýirden beri kúshinde turǵan ýaqytsha bitim rejimi ózgerissiz saqtalyp otyrǵany aityldy. Tim Hokinstiń sózinshe, AQSh Ortalyq qolbasshylyǵy atysty toqtatý rejimi jaǵdaiynda ustamdylyq tanytyp, amerikalyq kúshterdiń qaýipsizdigin qamtamasyz etýdi jalǵastyryp jatyr.
Irandyq aqparat quraldary Bender-Abbas pen Ormýz buǵazy jaǵalaýynda jarylystar bolǵanyn habarlady. Mehr agenttiginiń málimetinshe, qaladaǵy jaǵdai baqylaýda jáne turǵyndarǵa alańdaýǵa negiz joq.
