AQSh Ortalyq qolbasshylyǵy (CENTCOM) Iran porttary men jaǵalaý aimaqtaryna bet alǵan kemelerge qatysty teńiz blokadasyn qaita engizgenin málimdedi. Bul sheshim AQSh prezidentiniń tapsyrmasy boiynsha qabyldanǵan, dep habarlaidy dalanews.kz.
CENTCOM taratqan málimetke sáikes, qazirgi ýaqytta Taiaý Shyǵys óńirinde AQSh Áskeri-teńiz kúshteriniń 20-dan astam áskeri kemesi men júzdegen áskeri ushaǵy ornalasqan. Qolbasshylyq amerikalyq áskerilerdiń joǵary jaýyngerlik ázirlik jaǵdaiynda ekenin jáne kez kelgen is-qimylǵa daiyn ekenin habarlady.
AQSh áskeri kúshteri Iran porttary men jaǵalaýyna baǵyttalǵan nemese ol jerden shyǵatyn teńiz qozǵalysyn baqylaýdy qaita bastaǵan. Sonymen qatar CENTCOM Parsy shyǵanaǵy men Ormýz buǵazy arqyly Iranǵa qatysy joq baǵyttarmen júretin kemelerdiń erkin qozǵalysyna qoldaý kórsetiletinin atap ótti.
Buǵan deiin Bloomberg agenttigi AQSh pen Iran arasyndaǵy ýaqytsha bitimniń buzylǵanyn, sonyń saldarynan Vashingtonnyń teńiz blokadasyn qaita engizip, óńirdegi áskeri belsendiligin kúsheitkenin habarlaǵan bolatyn.
