Qazaqstan turǵyndary videodaidjestten Qazaqstan Táýelsizdiginiń 30 jyldyǵyn merekeleý aiasynda el óńirlerinde ótken eń basty is-sharalar, sondai-aq Qaiyrymdy ister marafonynyń iske asyrylýy týraly bile alady.
– Osy beinejoba arqyly qazaqstandyqtar Táýelsizdiktiń 30 jyldyǵy elimizde qalai atap ótilip jatqanyn bile alady. Jobalyq keńse osy merekelik sharalardy úilestiredi. Jalpy, aptasyna ártúrli formattaǵy 150-den 250-ge deiin túrli iventter ótkiziledi, kóp jaǵdaida bul tanymdyq is-sharalar. Beine kúndelik Táýelsizdik mereitoiyn merekeleýdiń jalpy kórinisin qaraýǵa múmkindik beredi, – dep atap ótti QR Táýelsizdiginiń 30 jyldyǵyn merekeleý jónindegi jobalyq keńseniń basshysy Baǵlan Aidashov.
«Táýelsizdik kúndeligi» – «Habar», «Qazaqstan», «AstanaTV», «Almaty» telearnalarynda, kabeldik operatorlardyń baǵdarlamaaralyq beinematerialdar retinde kórsetiledi, sondai-aq áleýmettik jelilerde keńinen taratylady.
Apta saiyn videodaidjest 30jyl.kz – QR Táýelsizdiginiń 30 jyldyǵy aiasynda ótkiziletin barlyq is-sharalar týraly anonstar men jańalyqtar jariialanatyn arnaiy saita ornalastyrylady.
«Táýelsizdik kúndelikterimen» tómendegi silteme boiynsha tanysýǵa bolady: https://30jyl.kz/ru/kundelik/
