قازاقستان تۇرعىندارى ۆيدەودايدجەستتەن قازاقستان تاۋەلسىزدىگىنىڭ 30 جىلدىعىن مەرەكەلەۋ اياسىندا ەل وڭىرلەرىندە وتكەن ەڭ باستى ءىس-شارالار، سونداي-اق قايىرىمدى ىستەر مارافونىنىڭ ىسكە اسىرىلۋى تۋرالى بىلە الادى.
– وسى بەينەجوبا ارقىلى قازاقستاندىقتار تاۋەلسىزدىكتىڭ 30 جىلدىعى ەلىمىزدە قالاي اتاپ ءوتىلىپ جاتقانىن بىلە الادى. جوبالىق كەڭسە وسى مەرەكەلىك شارالاردى ۇيلەستىرەدى. جالپى، اپتاسىنا ءارتۇرلى فورماتتاعى 150-دەن 250-گە دەيىن ءتۇرلى يۆەنتتەر وتكىزىلەدى، كوپ جاعدايدا بۇل تانىمدىق ءىس-شارالار. بەينە كۇندەلىك تاۋەلسىزدىك مەرەيتويىن مەرەكەلەۋدىڭ جالپى كورىنىسىن قاراۋعا مۇمكىندىك بەرەدى، – دەپ اتاپ ءوتتى ق ر تاۋەلسىزدىگىنىڭ 30 جىلدىعىن مەرەكەلەۋ جونىندەگى جوبالىق كەڭسەنىڭ باسشىسى باعلان ايداشوۆ.
«تاۋەلسىزدىك كۇندەلىگى» – «حابار»، «قازاقستان»، «استاناتۆ»، «الماتى» تەلەارنالارىندا، كابەلدىك وپەراتورلاردىڭ باعدارلاماارالىق بەينەماتەريالدار رەتىندە كورسەتىلەدى، سونداي-اق الەۋمەتتىك جەلىلەردە كەڭىنەن تاراتىلادى.
اپتا سايىن ۆيدەودايدجەست 30jyl.kz – ق ر تاۋەلسىزدىگىنىڭ 30 جىلدىعى اياسىندا وتكىزىلەتىن بارلىق ءىس-شارالار تۋرالى انونستار مەن جاڭالىقتار جاريالاناتىن ارنايى سايتا ورنالاستىرىلادى.
«تاۋەلسىزدىك كۇندەلىكتەرىمەن» تومەندەگى سىلتەمە بويىنشا تانىسۋعا بولادى: https://30jyl.kz/ru/kundelik/
