«Aqparattyq doktrina» elimizdiń aqparattyq keńistigin nyǵaitýdy kózdeidi - Aida Balaeva
- Osy jyldyń naýryz aiynda Memleket basshysynyń jarlyǵymen sóz bostandyǵyn odan ári qamtamasyz etýge, otandyq mediasferanyń básekege qabilettiligin arttyrýǵa jáne aqparattyq egemendikti nyǵaitýǵa baǵyttalǵan «Aqparattyq doktrina» bekitildi.
Doktrinadan týyndaityn asa mańyzdy zań jobalarynyń biri «Mass-media týraly» zań jobasy. Bul zań jobasyn ministrlik mass-media salasyndaǵy zańnamany jetildirý maqsatynda ázirledi, - dep atap ótti Aida Balaeva.
Talqylaý barysynda Parlament Májilisinde 114 túzetý engizildi, onyń 64-i qabyldandy, al 10-y pysyqtalýda.
30 qarashada zań jobasy birinshi oqylymda maquldandy. Qazirgi ýaqytta jumys tobynyń otyrystarynda talqylaý jumystary jalǵasýda.
Ministr jýrnalister men Májilis depýtattarynyń pikirin eskere otyryp ázirlengen baspasóz kartasy uǵymyn aiqyndaý tásilderi qaita qaralatynyn atap ótti.
- Baspasóz kartasynyń uǵymyna, berý kriteriilerine, ótiline, bilimine keletin bolsaq, jalpy jumys toptarynda talqylaý qorytyndysy boiynsha olar qaita qaralyp, alynyp tastalatyn bolady.
Endi akkreditteýdi ońailatý jónindegi tásil qandai nysanda iske asyrylatynyn bekitý merziminen buryn, ol jumys tobynyń otyrysy barysynda qalyptastyrylatyn bolady. Bul normalar memlekettik organdarmen birlesip pysyqtalady. Ekinshi tyńdaýǵa deiin barlyq túzetýler boiynsha sheshimder qabyldanady, - dep qorytyndylady A. Balaeva.
