ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسى بارىسىندا مادەنيەت جانە اقپارات ءمينيسترى ايدا بالايەۆا ەلىمىزدىڭ مەديا ينفراقۇرىلىمىن جەتىلدىرۋدەگى نەگىزگى قادامدار تۋرالى ايتتى.

- وسى جىلدىڭ ناۋرىز ايىندا مەملەكەت باسشىسىنىڭ جارلىعىمەن ءسوز بوستاندىعىن ودان ءارى قامتاماسىز ەتۋگە، وتاندىق مەدياسفەرانىڭ باسەكەگە قابىلەتتىلىگىن ارتتىرۋعا جانە اقپاراتتىق ەگەمەندىكتى نىعايتۋعا باعىتتالعان «اقپاراتتىق دوكترينا» بەكىتىلدى.

دوكترينادان تۋىندايتىن اسا ماڭىزدى زاڭ جوبالارىنىڭ ءبىرى «ماسس-مەديا تۋرالى» زاڭ جوباسى. بۇل زاڭ جوباسىن مينيسترلىك ماسس-مەديا سالاسىنداعى زاڭنامانى جەتىلدىرۋ ماقساتىندا ازىرلەدى، - دەپ اتاپ ءوتتى ايدا بالايەۆا.

تالقىلاۋ بارىسىندا پارلامەنت ماجىلىسىندە 114 تۇزەتۋ ەنگىزىلدى، ونىڭ 64ء-ى قابىلداندى، ال 10-ى پىسىقتالۋدا.

30 قاراشادا زاڭ جوباسى ءبىرىنشى وقىلىمدا ماقۇلداندى. قازىرگى ۋاقىتتا جۇمىس توبىنىڭ وتىرىستارىندا تالقىلاۋ جۇمىستارى جالعاسۋدا.

مينيستر جۋرناليستەر مەن ءماجىلىس دەپۋتاتتارىنىڭ پىكىرىن ەسكەرە وتىرىپ ازىرلەنگەن باسپا ءسوز كارتاسى ۇعىمىن ايقىنداۋ تاسىلدەرى قايتا قارالاتىنىن اتاپ ءوتتى.

- باسپا ءسوز كارتاسىنىڭ ۇعىمىنا، بەرۋ كريتەرييلەرىنە، وتىلىنە، بىلىمىنە كەلەتىن بولساق، جالپى جۇمىس توپتارىندا تالقىلاۋ قورىتىندىسى بويىنشا ولار قايتا قارالىپ، الىنىپ تاستالاتىن بولادى.

ەندى اككرەديتتەۋدى وڭايلاتۋ جونىندەگى ءتاسىل قانداي نىساندا ىسكە اسىرىلاتىنىن بەكىتۋ مەرزىمىنەن بۇرىن، ول جۇمىس توبىنىڭ وتىرىسى بارىسىندا قالىپتاستىرىلاتىن بولادى. بۇل نورمالار مەملەكەتتىك ورگاندارمەن بىرلەسىپ پىسىقتالادى. ەكىنشى تىڭداۋعا دەيىن بارلىق تۇزەتۋلەر بويىنشا شەشىمدەر قابىلدانادى، - دەپ قورىتىندىلادى ا. بالايەۆا.