Aqparat ministrligi Qaraǵandydaǵy apatqa bailanysty málimdeme jasady
Buqaralyq aqparat quraldary arqyly halyq nazaryna shuǵyl qutqarý jumystaryn júrgizý, sondai-aq memlekettik organdar qabyldaǵan barlyq sharalar týraly aqparat der kezinde jetkizilýde.
Sonymen qatar, jaqyn arada Óńirlik kommýnikatsiialar qyzmetiniń alańynda ýákiletti memlekettik organdar men tiisti qyzmetkerlerdiń qatysýymen BAQ ókilderine arnalǵan brifing ótetinin habarlaimyz.
Sonymen qatar, Ministrlik ýákiletti organ retinde Ulttyq aza tutý kúninde memlekettik organdardyń internet-resýrstary men BAQ-qa olardyń qyzmeti jáne veb-saittaryn bezendirý erejeleri týraly Usynym joldady.
Osyǵan bailanysty Ministrlik BAQ basshylaryn, teleradio habarlaryn taratý operatorlaryn, memlekettik organdar men uiymdardy Ulttyq aza tutý kúni atalǵan Usynymdardy ustanýǵa, sondai-aq Qazaqstan Respýblikasynyń zańnamasynda kózdelgen shekteýlerdi saqtaýǵa shaqyrady.
Sondai-aq aqparatty daiyndaǵan kezde jaýapkershilikke tartylmaý úshin senimdi derekkózderge senýge jáne jalǵan aqparattyń taralýyna jol bermeýge shaqyramyz.
