Qazaqstanda prezident ókilettiginiń merzimine qatysty birneshe jyldan beri talqylanyp kelgen quqyqtyq másele óz sheshimin tapty. Memleket basshysynyń Konstitýtsiialyq sotqa júginýi jáne sottyń osy máselege qatysty resmi túsindirme berýi eldegi saiasi júieniń quqyqtyq negizderge súienip damyp kele jatqanyn kórsetti, dep habarlaidy dalanews.kz.
Eske salsaq, Qasym-Jomart Toqaev 2022 jylǵy qarashada Konstitýtsiiaǵa engizilgen ózgeristerden keiin jeti jyldyq bir rettik merzimge sailanǵan bolatyn. Alaida keiin qoldanystaǵy konstitýtsiialyq normalardy ártúrli túsindirýge bailanysty kezekti prezident sailaýynyń merzimi jóninde suraqtar týyndady. Bir tarap sailaý 2028 jyly ótýi kerek dep eseptese, endi bireýler konstitýtsiialyq reformalardan keiin saiasi institýttardyń jańarýyna bailanysty merzimderdi qaita qaraý qajet degen pikir bildirdi.
Osy jaǵdaiǵa bailanysty Memleket basshysy Konstitýtsiialyq sotqa júginip, quqyqtyq turǵydan naqty túsinik alýdy jón kórdi. Konstitýtsiialyq sottyń sheshimine sáikes, jańa Konstitýtsiianyń qabyldanýy burynǵy konstitýtsiialyq normalar negizinde qabyldanǵan sheshimderdiń merzimin avtomatty túrde uzartpaidy. Iaǵni prezidenttiń bir rettik jeti jyldyq ókilettik merzimi sailaý ótken kúnnen bastap esepteledi.
Saiasattanýshy Daniiar Áshimbaevtyń pikirinshe, bul qadam birneshe jyldan beri kún tártibinde turǵan máseleni quqyqtyq jolmen sheship qana qoimai, el ishindegi jáne halyqaralyq deńgeidegi oiynshylarǵa mańyzdy saiasi signal berdi. Onyń aitýynsha, Qazaqstan biligi saiasi protsesterdiń zań ústemdigi qaǵidatyna negizdeletinin jáne memlekettik institýttardyń jumysy quqyqtyq normalar aiasynda júzege asatynyn kórsetti.
Sarapshylardyń baǵalaýynsha, bul sheshim saiasi turaqtylyqty qamtamasyz etýge, túrli alypqashpa áńgimeler men boljamdardyń aldyn alýǵa múmkindik beredi. Sonymen qatar biliktiń konstitýtsiialyq rásimderdi qatań ustanýy Qazaqstannyń saiasi júiesiniń boljamdylyǵy men ashyqtyǵyn arttyrady.
Mundai qadam ásirese qazirgi kúrdeli geosaiasi jaǵdaida mańyzdy. Óitkeni ishki jáne syrtqy aýditoriia úshin eldegi saiasi protsesterdiń naqty quqyqtyq negizde júrgiziletini, memlekettik institýttardyń óz quzyreti aiasynda áreket etetini jóninde anyq belgi berilip otyr. Bul óz kezeginde Qazaqstannyń quqyqtyq memleket qaǵidattaryna adaldyǵyn taǵy bir márte aiqyndai túsedi.
Osylaisha, Konstitýtsiialyq sottyń sheshimi prezidenttik ókilettik merzimine qatysty quqyqtyq aiqyndyq qalyptastyryp qana qoimai, Qazaqstannyń saiasi júiesinde zańnyń ústemdigi negizgi qaǵidat bolyp qala beretinin kórsetti. Al Aqordanyń bul qadamy eldegi saiasi turaqtylyqty saqtaýǵa jáne memlekettik institýttarǵa degen senimdi nyǵaitýǵa baǵyttalǵan mańyzdy sheshim retinde baǵalanýda.
