Almatyda jumbaq jaǵdaida mert bolǵan Aqnár Gúlstannyń isi ne úshin sozylyp ketkeni belgili boldy, dep habarlaidy Dalanews.kz.
Bul týraly Aqnárdiń anasy Gúlstan Hamit aitty.
"Aqnárdiń isi bas prokýratýranyń tapsyrmasymen, Almaty qalasy prokýratýrasynyń qadaǵalaýymen Almaty qalalyq Antikor tergeý júrgizip jatyr. Árine, Aqnár isi buǵan deiin Almatynyń quqyq qorǵaý organdarynyń qyzmetkerleriniń úlken quqyqbuzýshylyǵy saldarynan osy kúnge deiin sozylyp, qaita qaralyp jatqanyn bilesizder", - deidi Gúlstan Hamit.
Eske salaiyq, Almatyda 2024 jyly 20 shildede Aqnár Gúlstan kópqabatty turǵyn úidiń jetinshi qabatynan qulap, qaitys bolǵan. Tergeý bul oqiǵany "ózin-ózi óltirý" babymen tirkegen. Alaida jaqyndary Aqnárdiń jetinshi qabattan qulap ketkenine senbeidi. Olardyń sózinshe, marqum qaza tapqanǵa deiin denesinde azaptaý belgileri bolǵan.
Keiinirek marqumnyń anasy Gúlstan Qamit Almaty qalalyq tergeý organdary men prokýratýrasy bul isti jeńil bappen ózine ózi qol jumsaýǵa itermeleý dep baǵalap, shynaiy tergeý júrgizbei otyrǵanyn málimdedi.
Al Almaty qalalyq PD málimetinshe, tergeý basqarmasy byltyr shildede Almaty turǵynynyń ólimine qatysty qylmystyq is qozǵaǵan.
