الماتىدا جۇمباق جاعدايدا مەرت بولعان ءاقنار گۇلستاننىڭ ءىسى نە ءۇشىن سوزىلىپ كەتكەنى بەلگىلى بولدى، دەپ حابارلايدى Dalanews.kz.
بۇل تۋرالى ءاقناردىڭ اناسى گۇلستان حاميت ايتتى.
"ءاقناردىڭ ءىسى باس پروكۋراتۋرانىڭ تاپسىرماسىمەن، الماتى قالاسى پروكۋراتۋراسىنىڭ قاداعالاۋىمەن الماتى قالالىق انتيكور تەرگەۋ جۇرگىزىپ جاتىر. ارينە، ءاقنار ءىسى بۇعان دەيىن الماتىنىڭ قۇقىق قورعاۋ ورگاندارىنىڭ قىزمەتكەرلەرىنىڭ ۇلكەن قۇقىقبۇزۋشىلىعى سالدارىنان وسى كۇنگە دەيىن سوزىلىپ، قايتا قارالىپ جاتقانىن بىلەسىزدەر"، - دەيدى گۇلستان حاميت.
ەسكە سالايىق، الماتىدا 2024 جىلى 20 شىلدەدە ءاقنار گۇلستان كوپقاباتتى تۇرعىن ءۇيدىڭ جەتىنشى قاباتىنان قۇلاپ، قايتىس بولعان. تەرگەۋ بۇل وقيعانى "ءوزىن-وزى ءولتىرۋ" بابىمەن تىركەگەن. الايدا جاقىندارى ءاقناردىڭ جەتىنشى قاباتتان قۇلاپ كەتكەنىنە سەنبەيدى. ولاردىڭ سوزىنشە، مارقۇم قازا تاپقانعا دەيىن دەنەسىندە ازاپتاۋ بەلگىلەرى بولعان.
كەيىنىرەك مارقۇمنىڭ اناسى گۇلستان قاميت الماتى قالالىق تەرگەۋ ورگاندارى مەن پروكۋراتۋراسى بۇل ءىستى جەڭىل باپپەن وزىنە ءوزى قول جۇمساۋعا يتەرمەلەۋ دەپ باعالاپ، شىنايى تەرگەۋ جۇرگىزبەي وتىرعانىن مالىمدەدى.
ال الماتى قالالىق پد مالىمەتىنشە، تەرگەۋ باسقارماسى بىلتىر شىلدەدە الماتى تۇرعىنىنىڭ ولىمىنە قاتىستى قىلمىستىق ءىس قوزعاعان.
