Aqmola oblysynyń Arshaly aýdanynda 2026 jyldyń naýryz aiynda tórt týysyn óltirgen er adam sot sheshimimen májbúrli emdeýge jiberildi, dep habarlaidy dalanews.kz
Sot-psihiatriialyq saraptama qorytyndysyna sáikes, er adam paranoidty shizofreniiaǵa shaldyqqan. Qylmys jasalǵan sátte ol óz áreketiniń mánin túsinbegen. Sondai-aq qazirgi ýaqytta onyń tergeý men sot protsesine qatysýǵa psihikalyq jaǵdaiy múmkindik bermeitini anyqtalǵan.
Osyǵan bailanysty sot ony esi durys emes dep tanyp, qylmystyq jaýapkershilikke tartýdan bosatty.
Sot qaýlysymen er adam qarqyndy baqylaýy bar mamandandyrylǵan psihiatriialyq statsionarǵa májbúrli emdeýge jiberildi.
Aita keteiik, sot qaýlysy ázirge zańdy kúshine engen joq.
