Qarjylyq monitoring agenttiginiń Aqmola oblysy boiynsha departamenti prokýratýranyń úilestirýimen Shortandy aýdany aýmaǵynda baǵaly metaldardy zańsyz óndirýmen ainalysqan adamdar tobynyń qyzmetin toqtatty, dep habarlaidy dalanews.kz.
Jedel-izdestirý sharalary barysynda quramynda altyny bar kendi óńdeýge jáne baǵaly metaldardy bólip alýǵa arnalǵan jasyryn tseh anyqtaldy.
Kendi usaqtaýǵa jáne balqytýǵa arnalǵan jabdyq, salmaǵy 446 gramm altyn quimasy, 4 tonna altyn quramdy material, 6 keli synap, sondai-aq 2 mln teńgeden astam jáne 8 myń AQSh dollary kólemindegi aqshalai qarajat tárkilendi. Tintý barysynda qarý men oq-dáriler tabyldy.
Qazirgi ýaqytta zańsyz qyzmetke qatysy bar barlyq tulǵalar, sondai-aq zańsyz óndirilgen baǵaly metaldardyń kólemi anyqtalýda. Uiymdastyrýshy qamaýǵa alyndy.
Tergeý jalǵasyp jatyr.
