Aqmola oblysynda politseiler 20 jylǵa jýyq ýaqyt buryn jasalǵan qylmysty ashty, dep habarlaidy dalanews.kz.
Tártip saqshylary shamamen 20 jyl buryn bolǵan aqsha urlyǵyn áshkereledi. Politseiler kúdiktiniń izine 2007 jyly oqiǵa ornynan alynǵan saýsaq izderi arqyly túsken.
Bul oqiǵa 2007 jyly qarashada Atbasar qalasynda bolǵan. Belgisiz adam sharýa qojalyǵy iesiniń garajda turǵan kóliginen 300 myń teńge urlap ketken. Ol kezde bul qomaqty qarjy sanalǵan.
Jábirlenýshiniń aryzynan keiin politsiia jedel izdestirý jumystaryn júrgizgenimen, kúdiktini sol ýaqytta anyqtaý múmkin bolmaǵan. Degenmen kriminalister oqiǵa ornyn muqiiat tekserip, saýsaq izderin alyp, derekqorǵa saqtap qoiǵan.
Biyl kóktemde atbasarlyq jedel ýákilder kúdiktiniń izine qaita túsken. Jergilikti turǵyn politseilerdiń nazaryna esirtki qylmysyna bailanysty ilikken. Tergeý barysynda odan saýsaq izderi alynǵan.
Tekseris nátijesinde bul izder shamamen 20 jyl buryn urlyq jasalǵan jerden tabylǵan izdermen tolyq sáikes keletini anyqtalǵan.
Er adamnyń osy qylmysqa qatysy bary dáleldenip, ol kinásin moiyndaǵan.
