Aqmola oblysynyń mamandandyrylǵan tabiǵat qorǵaý prokýratýrasy Qosshy qalasynda quny 47,6 million teńge bolatyn jer teliminiń zańsyz bólingenin anyqtady, dep habarlaidy Dalanews.kz.
Oblystyq prokýratýranyń málimetinshe, 2024 jyly maýsymda Qosshy qalasynyń turǵyn úi-kommýnaldyq sharýashylyq jáne turǵyn úi inspektsiiasy bóliminiń basshysy Sarqyrama ózeni boiyndaǵy jaǵajaidy 5 jylǵa jergilikti kásipkerdiń senimgerlik basqarýyna bergen.
Alaida TKSh bólimi bul jer ýchaskesin paidalanýǵa jáne ielik etýge quqyly bolmaǵan.
Osylaisha, bólim basshysy negizsiz kelisimshart jasap, jer telimin zańsyz basqarýǵa bergen.
Prokýratýranyń qadaǵalaý aktisine sáikes, zańsyz jasalǵan kelisimsharttyń kúshi joiylyp, qala ákiminiń ókimimen bólim basshysyna tártiptik jaza qoldanyldy.
Budan bólek, prokýratýra qyzmetkerleri Sarqyrama ózeni boiynda kópirler men qorshaýlar ornatý arqyly memlekettik jer telimderiniń zańsyz basyp alynǵanynanyqtady. Qazirgi ýaqytta ýákiletti organdar jer telimderin memleket menshigine qaitarý boiynsha jumystar júrgizip jatyr.
