Aqmola oblysynda ǵylymi qyzmet memlekettik qarajatty jasyrý maqsatynda paidalanylǵan, dep habarlaidy Dalanews.kz.
Oblys prokýratýrasy ǵylymdy damytý jáne otandyq óndiristi qoldaý maqsatynda bólingen memlekettik granttyq qarajattyń tiimdi jumsalýyna tekserý júrgizdi.
Tekserý barysynda grant qarajatyn tiimsiz paidalaný, jobalardyń qaitalanýy, memlekettik múliktiń búlinýi, sondai-aq málimdelgen bastamalardyń tolyq iske asyrylmaýy faktileri anyqtaldy.
Atap aitqanda, bir jaýapkershiligi shekteýli seriktestiktiń qyzmetinde 295 mln teńge kólemindegi granttyq qarajattyń tiimsiz paidalanylǵany belgili boldy. Atalǵan qarajat zaýyt salý jáne ónim óndirý maqsatynda bólingenimen, ol nysanaly maqsatyna sai jumsalmaǵan.
Qazirgi ýaqytta bul qarajatty sot tártibimen memleketke qaitarý boiynsha sharalar qabyldanyp jatyr.
Taǵy bir jaǵdaida ǵylymi ortalyqtardyń biriniń laýazymdy tulǵalary ǵylymi zertteýler aiasynda óndirilgen 850 tonnadan astam tuqymdyq astyqty poligonǵa shyǵaryp tastaǵan. Sonyń saldarynan memleketke 100 mln teńgeden astam zalal keltirilgen.
Calǵyrtyq deregi boiynsha Qazaqstan Respýblikasy Qylmystyq kodeksiniń 371-babynyń 2-bóligine sáikes qylmystyq is tirkeldi.
Tekserý nátijesinde memlekettik qarjylandyrýdyń bólingenine qaramastan, bekitilgen josparlarǵa sáikes iske asyrylmaǵan 13 ǵylymi joba anyqtaldy.
