Aqmola oblysynda áke men bala naǵyz erlik jasady. Birjan Sal aýdany Úlgi aýylynyń turǵyndary órtenip jatqan úiden úsh balany qutqaryp qaldy dep habarlaidy Dalanews.kz.24.kz saityna silteme jasap.
Telearna málimetinshe, órt kóp balaly ana Iýliia Cherkasskoidyń úiin sharpyǵan. Órt shyqqan kezde úide bes kámeletke tolmaǵan bala bolǵan. Olardyń ekeýi óz betterimen syrtqa shyǵyp úlgergen. Qalǵandaryna kómekke aýyl turǵyny Erlan Toqsanbaev pen onyń uly Miras kelgen.
Anyqtalǵandai, Toqsanbaevtyń uly- bolashaq qutqarýshy. Olar sanaýly minýttar ishinde otqa oranǵan úiden úsh balany alyp shyqqan.
«Men birden gaz ballondy syrtqa shyǵaryp, kabeldi ajyrattym. Qolymda tyrma boldy, sol arqyly eseptegishti toqtattym. Sodan keiin úidiń artqy bólmesin buza bastadyq. Terezeni syndyrdyq, bir bala syrtqa shyqty da: «Onda eshkim joq»,- dedi. Men oǵan aiqailadym: «Shyq, olar osynda». Sodan keiin úsheýin terezeden shyǵara bastadyq. Bireýi tereze aldynda boldy, ekeýi ar jaqta bolǵan»,- dedi Erlan Toqsanbaev.
Balalar qutqarylǵannan birneshe minýt ótken soń úide qalǵan gaz ballondar jarylyp ketken. Oqiǵa ornyna kelgen órt sóndirýshiler otty jedel óshirgen.
Órt sóndirýshilerdiń aitýynsha, órttiń shyǵý sebebi- qysqa tuiyqtalý bolǵan. Qutqarýshylardyń atap ótýinshe, Toqsanbaevtar otbasynyń batyl áreketiniń arqasynda órt kezinde eshkim zardap shekken joq.
Qazirgi ýaqytta zardap shekken otbasyǵa materialdyq kómek kórsetilip, baspana máselesi sheshilip jatyr. Erlan men Miras Toqsanbaevtar memlekettik nagradaǵa usynyldy.
