Aqmola oblysy jańǵyrmaly qýat kózin óndirýde kósh bastap keldi
Bul rette energetik mamandar jańǵarmaly qýat kózderin óndirýge múmkindik beretin aimaqtardy anyqtap alǵan bolatyn. Qazirgi tańda Aqmola oblysynyń Zerendi aýdany aýmaǵynda jel energetikasyn damytý isi qarqyndy túrde júrip jatyr.
Budan basqa Arshaly, Tselinograd, Ereimentaý aýdandarynda jańǵarmaly energetikany damytý isi ekonomikanyń ajyramas bóligine ainalǵan.
Qazirgi tańda Aqmola oblysynda jańǵarlama qýat kózin damytý isine airyqsha kóńil bólinýde. Aimaqtyń aýa raiynyń kúrt kontinentaldi bolýy jel energetikasyn damytýǵa airyqsha múmkindik berip otyr.
Jaqynda Zerendi aýdanyndaǵy Elikti aýylynda 11 jelgeneratory salynbaqshy. Dál osy máseleni boiynsha aýyl turǵyndarynyń basyn qosyp, qoǵamdyq tyńdaý ótti. Óz kezeginde jelgeneratorlaryn salý isin qolǵa alǵan kompaniia aýyl turǵyndaryna ózderiniń jobalaryn tanystyryp, kópshiliktiń kókeiindegi suraqtarǵa jaýap berdi.
– Biz jel generatorlaryn Elikti aýylynyń irgesindegi 100 gektar aýmaqqa salýdy josparlap otyrmyz. Qýat kózin óndiretin qondyrǵylardy Daniiadan jetkizemiz. Diametri 20 metrdi quraityn generatorlardyń óndiristik qýaty 18 megavolt. Jalpy jobaǵa 11 mlrd teńge jumysaý kózdelgen, – dedi jańa óndiristi qolǵa alǵan kompaniianyń ókili Ashat Jaqsybergenov.
Óz kezeginde Zerendi aýdanynyń ákimi Ásen Jaqsylyqov aýyl turǵyndaryna jańa óndiris oshaǵyn salýǵa belsendi qatysyp, qurylys barysyna monitoring jasaýǵa shaqyrdy.
– Jel generatorynan óndirilgen qaýt kózi jańǵyrmaly tabiǵi resýrastan óndiriledi. Bul joba aiasynda jańa jumys oryndary qurylyp, biraz aýyl azamattary jumyspen qamtylady. Qurylys jumystaryn júrgizý kezinde nysannyń ainalasy tolyqtai qorshalady. Qurylys jumystary aiaqtalyp, bári rettelgennen keiin qorshaý alynyp tastalynady, – dedi aýdan basshysy. Óz kezeginde aýyl turǵyndary da investitsiialyq joba aýyldyń turmys jaǵdaiyna oń yqpal etetini senimdi.
Jalpy Aqmola oblysynda jańǵarmaly qýat kózderin damytýdyń ózindik tájiribesi qalyptasqan desek bolady. Bul rette Ermeimentaý jáne Tselinograd aýdandardy kún kózinen qýat kózin óndiretin stansalar salynyp, jumys istep turǵanyn atap aitýǵa bolady. Sonymen qatar Arshaly aýdanynda óndiristik qýaty 100 megavat bolatyn jelgeneratorynyń qurylysy qarqyndy júrip jatyr.
