Búgin Senattyń jalpy otyrysynda Aqmaral Álnazarovanyń depýtattyq ókilettigi toqtatyldy, dep habarlaidy Dalanews.kz.
QR Ortalyq sailaý komissiiasynyń múshesi Shavhat Ótemisov Aqmaral Álnazarovanyń basqa qyzmetke aýysýyna orai onyń depýtattyq ókilettigin merziminen buryn toqtatý týraly usynymdy jariialady.
Palata otyrysynda senatorlar depýtattyń ókilettigin toqtatý jónindegi qaýly qabyldady.
Budan buryn habarlanǵandai, jaqynda Memleket basshysynyń Jarlyǵymen Aqmaral Sháripbaiqyzy Álnazarova Qazaqstan Respýblikasynyń Densaýlyq saqtaý ministri laýazymyna taǵaiyndaldy.
Aqmaral Sháripbaiqyzy 1971 jyly Qyzylorda qalasynda týǵan.
Almaty memlekettik meditsina institýtyn (1994) «pediatriia», Qorqyt ýniversitetin (2006) «ekonomist» mamandyǵy boiynsha bitirgen.
Qazaqstanda da, shetelde de qosymsha oqýdan ótti. Meditsina ǵylymdarynyń doktory.
