Resmi derekterge sáikes, avtoturaqtardy aqyly etýdi Almaty qalalyq ákimdigi usynǵan.
Búginde olar «Almaty SpetsTehParking Servis» JShS-niń tikelei quzyrynda. Tender nátijesinde «RR2» JShS-i jeńiske jetip, almatylyq aqyly avtoturaqtardyń jarǵylyq kapitalyna tiesili 70 paiyzdyq úlesi osy «RR2» JShS-iniń, al 30 paiyzy Almaty qalasy tabiǵi resýrstar men tabiǵatty paidalanýdy retteý basqarmasynyń ieliginde.
«RR2» JShS-niń quryltaishylary «Aktivterdi basqarý boiynsha «Almaly»kompaniiasy» JShS (túpki benefitsary – Boranbaev Qairat Sovetaevich) men «Almaly CPS» JShS (jalǵyz qatysýshy JShS – Ahmetov Salamat Qýatovich).
Al, Qairat Boranbaev – «Qairat» klýbyn qadaǵalaý komitet tóraǵasy, Qostanai oblysynyń boks federatsiia prezidenti jáne Qazaqstandaǵy qaltaly adamdardyń biri.
Ol Forbes Kazakhstan tiziminde 430 mln dollar iesi retinde 13-da orynda tur.
Sonymen qatar, onyń qyzy Álima Elbasynyń nemeresi Aisultan Nazarbaevtyń jubaiy. Iaǵni Qairat Boranbaev Dariǵa Nazarbaevanyń qudasy.
Osyǵan deiin Qairat Boranbaev pen Salamat Ahmetovtiń Almatynyń ákimi Baýyrjan Baibekpen bailanysy bar degen áńgime shyqqan.
Osy máselege qatysty Almaty qalasy tabiǵi resýrstar men tabiǵatty paidalanýdy retteý basqarmasy basshysynyń sol kezdegi orynbasary Aidyn Kerimbek (qazir Almaty qalasy aýylsharýashylyǵy men veterinariia basqarmasynyń basshysy) «Almaty CPS» kompaniiasy quryltaishysy Salamat Ahmetov pen Baibektiń de, onyń týystarynyń da eshqandai bailanysy joq dep sendirgen-di.
Sonymen parkomattarǵa túsetin aqsha kimniń ieliginde degen suraqqa keler bolsaq,
qujat boiynsha túsken aqshanyń 30 paiyzy memleket qazynasyna, al 70 paiyzy «RR2» jekemenshik kompaniiasyna tiesili.
Alaida Almatydaǵy 10 956 oryndyq avtoturaqtardan túsken túsimniń 100 paiyzy «RR2» kompaniiasynyń qaltasyna quiylýda.
Biylǵy jyldyń sońyna deiin aqyly avtoturaq oryndarynyń sany 15 myńǵa deiin óspekshi.
Almaty qalasy jolaýshylar tasymaly jáne avtokólik joldary basqarmasy parkomattan túsken aqshanyń naqty kimge tiesili ekeninen habarsyz ekenin aityp, resmi saýalǵa sydyrtpa jaýap beredi.
Basqarmanyń bergen jaýabynda «Almaty SpetsTehParking Servis» pen «RR2»-diń arasynda ortaq kelisim bary aitylǵanymen, onyń sharttary qupiia retinde saqtalady.
Aqyly avtoturaqqa qatysty aqparattardyń qupiialanaýy qalai?
Parkomat úshin kásipker investitsiiasyn qandai jaǵdaida salýda, 120 parkomatty ornatýǵa qansha shyǵyn shyqty, aiyna biýdjetke parkomattan qansha aqsha túsýde?
Ókinishke qarai bul suraqtardyń jaýabyn da, jalpy parkomattarǵa qatysty naqty aqpar da alý múmkin emes. Nege?
Al eń qyzyǵy, aqyly avtoturaqtyń ár saǵatyna 100 teńge tóleý tarifin qandai negizge súienip belgilengeni belgisiz. Osy suraqqa qatysty aqparat ta asa qupiia.
Almaty qalasy tabiǵi resýrstar men tabiǵatty qadaǵalaý basqarmasy bul suraqty ainalyp ótedi.
«Saǵatyna 100 teńgelik» tarifi aýadan alynǵany ma sonda? Álde «RR2» JShS-niń negizgi basshysy Qairat Boranbaev pen Salamat Ahmetovtiń naqty biznes jospary bolmaǵandyqtan parkomattarǵa qatysty aqparat jasyryn ustalýda ma?
Aqyly parking úshin jekemenshik kompaniialar qalanyń kóshelerin paidalansa da, milliondaǵan túsiminen Almatynyń biýdjetine tek salyq retinde ǵana tabys beredi.
Tek ár úsh jylda bir ret qana parkingten túsken paidadan qala biýdjeti úles alady. Kelisimshartta osylai kórsetilipti.
Kóligi úshin saǵatyna 100 teńgeden tólep otyrǵan almatylyqtar óz aqshalarynyń qaida, qalai ketip jatqanyn bilýge quqyly. Sonymen qatar, aqyly avtoturaqtyń qyzmet kórsetý sapasy da aqysyna sai bolýǵa tiis.
Biraq aqyly alańqailarda birinshiden, parkomatty jaqyn mańnan tabý qiyn, tártip buzýdy baqylaityn kameralar da talapqa sai jumys istei bermeidi, ekinshiden, parkomat 50 jáne 100 teńge ǵana qabyldaidy. Al keibirinde aqyly aimaqtyń qai tustan bastalyp, qai jerden aiaqtalatyny týraly eshqandai belgi kórsetilmegen.
Aitpaqshy,
«Almaty SpetsTehParking Servis» JShS-niń baspasóz qyzmeti jaqynda kompaniia biýdjetke 269 mln teńge salyq tóledi dep málimdegen bolatyn.
Alaida, Qarjy ministrliginiń memlekettik qarjy Komitetiniń málimeti boiynsha, kompaniia 2013 jyldan beri bar joǵy 146,2 mln teńge salyq tólegen.
Osyǵan qaraǵanda, bul kompaniiaǵa qatysty bizdi alda áli talai qyzyqtar kútip turǵandai.
Asyl RAHMETOVA
