Aqbaian Muqanǵalievanyń jaqyndary onyń Sultan Sársemálievpen qalai tanysqanyn aityp berdi. Olardyń sózinshe, Aqbaian mektep bitirgen soń Aqtóbe qalasynda zańger mamandyǵy boiynsha bilim alǵan. Keiin Atyraýǵa qonys aýdaryp, jármeńkede jumys istep júrgen kezinde Sultanmen tanysqan, dep habarlaidy dalanews.kz.
Ekeýi 2016 jyly otbasyn qurǵan. Alaida týystarynyń aitýynsha, dúrkiretip úlken toi jasalmaǵan. Kúieý jigit jaǵy qyz alyp qashý dástúrin qoldanǵan. Keiin eki taraptyń týystary kezdesip, tanysyp, shaǵyn otyrys ótkizgen. Bul nekeden bes bala dúniege kelgen.
Otbasylyq ómir birqalypty bolmaǵan. 2022 jyly Aqbaian úsh balasyn ertip, ata-anasynyń úiine ketip qalǵan. Jaqyndarynyń aitýynsha, anasy qyzynyń enesimen birge turǵanyn qalamaǵan jáne olardyń Atyraýda bólek turýyn qalaǵan. Al Sultan óz ata-anasyn tastap ketýge qarsy bolǵan. Osy kelispeýshilikten keiin erli-zaiyptylardyń arasy alystap, keiin resmi túrde ajyrasqan.
Degenmen kóp uzamai ekeýi qaita tatýlasyp, birge ómir súre bastaǵan. 2024 jyly Aqbaian besinshi balasyna júkti bolǵan.
Sol jyldyń tamyz aiynda Jangeldin aýylyna barǵan kezde Aqbaiannyń densaýlyǵy kúrt nasharlaǵan. Dárigerler oǵan pnevmotoraks diagnozyn qoiǵan. Ota jasalǵannan keiin ol shamamen 20 kún komada jatqan.
Tergeý materialdarynda osy jaǵdaidan soń Aqbaiannyń psihikalyq densaýlyǵynda qiyndyqtar baiqalǵany aitylady. Qazir bul derekter aýyr qylmysqa qatysty istiń mán-jaiyn anyqtaý barysynda qarastyrylyp jatyr.
