Depýtat Nartai Aralbaiuly eldi ábigerge salǵan sý tasqynyna bailanysty pikir bildirip, tabiǵi apatqa jol bergen sheneýnikterge tiisti shara qoldanylýy kerek ekenin jetkizdi, dep habarlaidy Dalanews.kz.
Onyń pikirinshe, memleket máseleniń áli de saldarymen kúresip keledi.
"Dál osy sý basý jumystaryna, topan sý apatyna nemquraily qaraǵan ári aldyn ala áreket jasamaǵan sheneýnikterdiń áreketine quqyqtyq baǵa berilýi kerek. Biz ylǵi saldarymen kúresemiz. Sebebimen kúrseý degendi umytqaly qashan? Sondyqtan osy saldary aqyryndap qaitqannan keiin tiisti sharalar qabyldanady dep oilaimyn. Sonymen qatar quzyreti bar organdar jergilikti ákimder men ministrlerdiń taǵaiyndaýyna, olardy ornynan alyp tastaý boiynsha dál osylai áreket etedi dep oilaimyn", - dedi depýtat.
Aita keteiik, depýtat buǵan deiin Batys Qazaqstan oblysyndaǵy sý basqan aimaqtardy aralap, halyqtyń jai-kúiin áleýmettik jelidegi paraqshasynda bólisken edi.
"Batys Qazaqstan oblysyna tabanym tiisimen tikushaqpen oblystyń sý basqan aýdandaryna, shalǵai ortalyqtaryna baryp keldik.
692000 adam turatyn Batys Qazaqstannyń sý basqan aimaqtaryndaǵy qatysty ahýal qiyn. Kún sanap jaǵdai kúrdelenip barady.
Qazirdiń ózinde oblysta 455 úidi sý basqan, 22 ǵimarat sý astynda qalǵan.
Qardyń erýi jáne jaýyn-shashynnyń saldarynan 17 áleýmettik jáne memlekettik mańyzy bar nysannyń (Oral q. – 13, Báiterek aýd. – 2, Terekti aýd. – 2) jáne 5 kóp qabatty turǵyn úidiń (Oral q.) jertólesin, sondai-aq 460 jeke turǵyn úidi jáne 99 turǵyn úidiń aýlasyn sý basqan.
Qazir Batys Qazaqstan oblysynyń ortalyǵy Oral qalasy men 4 aýdanynda (Qaratóbe, Syrym, Bórli, Terekti) tótenshe jaǵdai jariialandy.
Halyq qatty úreilenip qalǵan", - dep jazba jariialaǵan bolatyn.
Osy tusta májilis depýtaty Maqsat Tolyqbai da tótenshe jaǵdaiǵa bailanysty óz oiyn ortaǵa salǵan edi.
Depýtattyń sózinshe, ákimdikterde eshqandai daiyndyq joq. Bul - Úkimet pen ákimdikter arasynda bailanys joq ekeniniń belgisi. Maqsat Tolyqbai bul jaǵdaiǵa kináli retinde Roman Skliardy atady.
"Tamyrynan qurttaǵan aǵash butaǵynan emdelmeidi. Roman Skliardan bastap Úkimettiń keibir múshelerin aýystyratyn kez keldi.
Aimaqtardy aralap, Aqtóbeniń ortasyna shettik. Biraq, qadirli aǵaiyn, shynyn aitý kerek, ákimdikterdiń daiyndyǵy óte nashar. Tipti basqasyn aitpaǵanda, keibir aýdan ákimderiniń rezervinde ne qaiyq joq, sý etik tabylmai jatyr. Ákimdik pen Úkimettiń arasynda bailanys joqtyń qasy desek bolady.
Buǵan birinshi kezekte kim jaýapty? Ashyǵyn aitý kerek, premer-ministrdiń orynbasary Roman Skliar jaýapty. Keshe Aqtóbege keldi. Alǵa deitin bir aýdanǵa bardy, biraq sýdyń astynda qalǵan Oiylǵa nege barmaidy?
Munyń aldynda alapat órt bolǵanyn bilesizder. Qanshama adam órtenip ketti. Buǵan da kim jaýapty? Roman Skliar jaýapty. Sógispen qutyldy.
Sondyqtan bul ózgelerge sabaq bolýy úshin Prezident sógis jariialap jatyr. Biraq Roman Skliardan bastap Úkimettiń keibir múshelerine shara qoldanyp, aýystyratyn kez keldi ǵoi dep oilaimyn", - dedi depýtat.
