Qazaqstannyń tuńǵysh prezidenti Nursultan Nazarbaevtyń qaryndasy Ánipa Nazarbaevaǵa tiesili kompaniia eldegi eń iri salyq bereshegi bar kásiporyndar tizimine endi. Qarjy ministrliginiń Memlekettik kirister komitetiniń málimetinshe, kompaniianyń biýdjet aldyndaǵy qaryzy 92 mlrd teńgeden asady. Bul týraly Tengrinews.kz málimetinde aitylǵan, dep habarlaidy Dalanews.kz.
Vedomstvo málimetinshe, 2026 jylǵy 1 qańtardaǵy jaǵdai boiynsha GROUP OF THE COMPANIES TDA JShS-niń salyqtar men basqa da mindetti tólemder boiynsha bereshegi - 92 307 598 000 teńge.
Komitet ókilderi kompaniianyń ózin bankrot dep taný týraly sotqa talap-aryz bergenin de naqtylady. Qazirgi tańda bul is sotta qaralyp jatyr.
Ánipa Nazarbaevaǵa qatysty kompaniia eldegi eń iri salyq boryshkerleriniń antireitinginde úshinshi orynǵa jaiǵasqan. Tizim mynadai:
-
Ai-To Progress JShS (Dáýren Moldaǵaliev) - 111,6 mlrd teńge;
-
Alpha-bet (Alfa-Bet) JShS (Velora Group LTD) - 95,1 mlrd teńge;
-
GROUP OF THE COMPANIES TDA JShS (Áli Qylyshbaev, Ánipa Nazarbaeva) - 92,3 mlrd teńge;
-
OLIMP KZ býkmekerlik keńsesi (Anarbek Jaýyrov) - 85,6 mlrd teńge;
-
GB Invest JShS (Faiez Nadjib) - 47,2 mlrd teńge.
