Sybailas jemqorlyqqa qarsy qyzmet tóraǵasynyń burynǵy orynbasary Nurlan Shabdardyń jubaiy men qyzy Niý-Iorkte ornalasqan elitalyq jyljymaityn múlikke ie ekeni belgili boldy, dep habarlaidy Dalanews.kz.
GosArhiv málimetinshe, eki páter de Manhettende ornalasqan. Olardyń jalpy quny 5 mln dollardan (shamamen 2,5 mlrd teńge) asady. Ashyq derekkózderdegi málimetke sáikes, bul páterlerdi aiyna shamamen 7 myń jáne 20 myń dollar aralyǵynda jalǵa berýge bolady.
Bul otbasynyń sheteldegi jalǵyz aktivteri emes. Buǵan deiin Almaty mańyndaǵy elitalyq kottedj qalashyǵynda ornalasqan, shamamen 2 mlrd teńgege baǵalanǵan záýlim úidiń satylymǵa qoiylǵany habarlanǵan edi. Úidiń aýmaǵy 1100 sharshy metrden asady, al jer telimi shamamen 22 sotyqty quraidy.
