Arǵyn Nıǵmatýlın – belgili qazaqstandyq kásipker jáne sport qaıratkeri, Qaraǵandy oblystyq máslıhatynyń burynǵy depýtaty, sondaı-aq Nurlan jáne Erlan Nıǵmatýlınderdiń aǵasy. Onyń Qazaqstandaǵy jáne sheteldegi negizgi aktıvteri belgili boldy, dep habarlaıdy Dalanews.kz Shishkin like telegram arnasyna siltep.
Sport aktıvteri:
- “Saryarqa” hokeı klýby: Arǵyn Nıǵmatýlın 2009-2018 jyldary Qaraǵandynyń “Saryarqa” hokeı klýbyn basqardy jáne Qazaqstan hokeı federasıasynyń teń quryltaıshysy bolyp tabylady. Ol Qazaqstan Respýblıkasynyń eńbek sińirgen sport qaıratkeri ataǵyna ıe. 
- Doszhan Sport muz aıdyny: Arǵyn Nıǵmatýlınge tıesili “Nbn Inc.” JSHS arqyly Qaraǵandy qalasyndaǵy Respýblıka dańǵylynda ornalasqan Doszhan Sport muz aıdyny jáne onyń astyndaǵy 0,5 gektar jer telimi bar. Kompanıa 2018 jyly tirkelgen jáne óz menshigindegi jyljymaıtyn múlikti jalǵa berý jáne basqarýmen aınalysady. 
Basqa bıznes aktıvteri:
- “N.A.Z.” sharýa qojalyǵy: Arǵyn Nıǵmatýlınniń jeke kásipker retinde tirkelgen bul qojalyǵy Qaraǵandy oblysynyń Buqar jyraý aýdanynda ornalasqan jáne negizinen jylqy ósirýmen aınalysady. 
Otbasy músheleriniń aktıvteri:
- Amına Nıǵmatýlına: Arǵyn Nıǵmatýlınniń qyzy, 2020 jyldan beri Qaraǵandydaǵy qonaq úı bıznesimen aınalysatyn “Future Generation” JSHS-niń ıesi. Bul kompanıa Tumar Apart Hotel qonaq úıin basqarady dep boljanady. 
- Naılá Belbaeva: Arǵyn Nıǵmatýlınniń jubaıy, onyń atyna Dýbaıdaǵy Bahar kesheninde 70 sharshy metrlik páter tirkelgen. Bul múliktiń quny shamamen 380 myń dollar. 
Aıta ketý kerek, 3 naýryzda Arǵyn Nıǵmatýlınge izdeý jarıalanyp, ol jáne basqa tulǵalar Qaraǵandy oblysynda hokeıdi damytýǵa bólingen búdjet qarajatyn jymqyrdy degen kúdikke ilindi.
