Sybailas jemqorlyqqa qarsy qyzmet Mádeniet jáne sport ministrliginiń burynǵy vitse-ministri Erlan Qojaǵapanov pen merdiger uiym basshylaryna qatysty tergeý isin aiaqtady. Olarǵa qyzmettik ókilettikterin asyra paidalanyp, 1 milliard teńgeden astam qarajatty jymqyrdy degen aiyp taǵylyp otyr, dep habarlaidy Dalanews.kz.
Antikordyń málimetinshe, qylmystyq is boiynsha materialdar ótken jyldyń 13 jeltoqsanynda Bas prokýratýraǵa jiberilip, sotqa joldanǵan.
“Olar qyzmettik ókilettikterin asyra paidalandy jáne 1 mlrd teńgeden astam qarajatty jymqyrdy dep aiyptalyp otyr. Ótken jyldyń 13 jeltoqsanynda Bas prokýratýra kúdiktilerdi sotqa berdi”, - dep habarlady Antikor.
Qylmystyq-protsestik kodekstiń 201-babyna sáikes, tergeý barysyna qatysty basqa aqparat jariialanbaidy.
Sonymen qatar Konstitýtsiianyń 77-baby jáne Qylmystyq-protsestik kodekstiń 19-babyna sáikes, sot úkimi zańdy kúshine engenge deiin árbir azamat kinásiz dep tanylady.
Eske salaiyq, buǵan deiin Antikor burynǵy mádeniet jáne sport vitse-ministri Erlan Qojaǵapanov ne úshin ustalǵanyn málimdegen edi.
Eks-sheneýnik jemqorlyq deregi boiynsha aiyptalyp otyr.
"1 naýryzda Sybailas jemqorlyqqa qarsy qyzmet jasyryn is-sharalar nátijeleri boiynsha mádeniet jáne sport eks-vitse-ministri Qojaǵapanovty aýyr jemqorlyq qylmys jasady degen kúdik boiynsha ustady.
Kommertsiialyq uiymnyń múddesi úshin áreket ete otyryp, ol 2018 jyly Petropavl qalasynda Qazaqstan Respýblikasy men Resei Federatsiiasynyń 15-shi óneraralyq yntymaqtastyq forýmynyń kórmesin uiymdastyrý boiynsha shart jasaýdy qoldanǵan. Bul rette forýmdy ótkizý úshin smeta eki esege ósti.
Bul biýdjet qarajaty negizsiz jumsalýyna ákep soqty. Qylmystyq jolmen alynǵan aqshaǵa satyp alynǵan múlik anyqtaldy jáne oǵan tyiym salynǵan", - dedi Antikor ókili.
Buǵan deiin Sybailas jemqorlyqqa qarsy qyzmet sotqa deiingi tergep-tekserý sheńberinde burynǵy mádeniet jáne sport vitse-ministri aýyr jemqorlyq qylmys jasady degen kúdikpen ustalǵanyn rastady.
