Kólik aialdamanyń janynda turǵan jolaýshylar avtobýsymen soqtyǵysty da, sonyń saldarynan jarylys boldy. Jarylystyń kúshtiligi sondai onyń ainalasyndaǵy taǵy birneshe kólik jaryldy. Aqparat quraldarynyń dereginshe 27 adam qaitys bolǵan, 75-i jaralanǵan. Baiqaisyz ba, Kreml Asadtyń biligin resmi qoldaǵaly mundai lańkestik oqiǵalar jiilep ketti...
Árbir jarylystyń sebep-saldaryn jáne muny moinyna alyp jazyqsyz adamdardy qurban qylǵan uiymdardyń tizimin jiliktep otyrýǵa bolar edi. Anyǵynda, aqiqat árdaiym ashylmai qalady.
Kóp jaǵdaida lańkestikti Islam memleketi moinyna alady. Sebebi, mundai jarylystan keiin terrorshylardyń reitingi óse túsedi, sondyqtan bul arada belgili bir uiymnyń belgili bir jarylysqa qatysy bolýy nemese bolmaýy mańyzdy emes.
Hezbolla, Djemaa Islamiia, Ál-Kaida siiaqty uiymdar iri jarylys bolǵan sátte muny birden moinyna alýǵa tyrysatyny sodan.
Eger tereńirek úńilsek, Kreml men Pýtinniń árqashanda oirandaý (destabilizatsiia) strategiiasyn jaqsy paidalanatynyn baiqaimyz. Sebebi, bul ádis arqyly halyqty qorqynysh pen qaýipte ustaýǵa bolady jáne basqarý da ońai.
Kóptegen reseilikter soǵys bolǵansha qatigez ámirshi men basqarýdyń avtoritarlyq tásili qala bergenin qup kóredi. Iá, óziń súretin jerde beibitshilik bolsa, urpaǵyń alańsyz ósedi, óziń de tynysh ǵumyr keshesiń. Biraq, mundai «beibitshiliktiń» quny qandai?
Esterińizde me, Ankara óz shekarasyna enip ketken Reseidiń ushaǵyn qulatyp túsirgende, reseilikter dúr kóterildi. Bul kúlli orys halqyna jasalǵan qastandyq ekenin aitty.
Munyń durys nemese burys bolǵanyn ýaqyt kórsetedi. Anyǵy, munyń bárinen Pýtin utyp jatyr. Onyń reitingin solarǵa qarsy kúresem dep ýáde bergen lańkester men lańkestik oqiǵalar kóterip otyr.
Oirandaý strategiiasyn paidalana otyryp Pýtin myna maqsatqa qol jetkizbek: «Jarylystardan ábden júregi shailyqqan Túrkiia halqy ýaqyt óte kele óz úkimetinen kóńili qalady jáne aqyr aiaǵynda oǵan qarsy shyǵady».
Al bosqyndardyń tasqyny arta túsedi. Aitpaqshy, bul da Reseige tiimdi.
Bul arada nege Islam memleketi degen zańdy saýal týyndary anyq. Álemdegi kez-kelgen barlaý qyzmeti, sizge bir kezgi KSRO-nyń, Reseidiń jumyssyz qalǵan áskeri kadrlary lańkester qataryna jaldamaly nemese nusqaýshy retinde qosylatynyn aityp berer edi.
Islam memleketindegi qarjy aǵymynda qomaqty úlesi bar Kreml bul uiymǵa óziniń talaptary men sharttaryn qoia alady.
Iá, resmi Pýtin Asadty qoldai otyryp Islam memleketine qarsy soǵys júrgizýi múmkin, alaida ic júzinde bul ánsheiin betperde, Kreml ekijúzdi saiasat júrgizýde.
Semen Kabakaev
Derekkóz: obozrevatel.com
Sýret: www.youtube.com saitynan alyndy
