Keshe Qasym-Jomart Toqaevt Túrkiiaǵa resmi saparmen bardy. Qasym-Jomart Toqaevty Ankara qalasynyń "Esenboǵa" áýejaiynda Túrkiia prezidenti Rejep Taiip Erdoǵan qarsy aldy. Búgin memleketter basshylary qazaq-túrik strategiialyq seriktestigin odan ári nyǵaitý perspektivasyn talqylap, kelissóz júrgizedi. Bul kelissózden ne kútiledi? Sarapshy tarqatty, dep habarlaidy Dalanews.kz.
Keshe áýejaida baýyrlas eki eldiń prezidentteri az-kem áńgimelesti. Bul týraly Aqorda habarlady.
"Qonaqjailyq tanytqanyńyzǵa kóp raqmet. Áýejaiǵa kelip, meni qarsy aldyńyz. Bul men úshin úlken qurmet. Bizdiń aramyzda eshqandai túitkil joq. Bizdi tek týystyq, yntymaqtastyq bailanystyrady. Erteń mańyzdy sapar bolady. Sapardyń baǵdarlamasy óte mazmundy. Ony tolyq iske asyramyz dep oilaimyn", – dedi Qasym-Jomart Toqaev.
Saiasattanýshy Ashat Qasenǵali jelidegi paraqshasynda Túrkiia prezidentiniń Memleket basshysyn arnaiy qarsy alýy beker emes ekenin aitty.
"Prezident Túrkiiaǵa bardy. Áýejaidan Erdoǵannyń ózi qarsy alypty. Bul sapardyń joǵary mánge ie ekendigin bildirse kerek. Erdoǵan bul saparǵa ózi shaqyrǵan bolatyn. Prezident bylai deidi: "Qonaqjailyq tanytqanyńyzǵa kóp raqmet. Áýejaiǵa kelip, meni qarsy aldyńyz. Bul men úshin úlken qurmet. Bizdiń aramyzda eshqandai túitkil joq. Bizdi tek týystyq, yntymaqtastyq bailanystyrady. Erteń mańyzdy sapar bolady. Sapardyń baǵdarlamasy óte mazmundy. Ony tolyq iske asyramyz dep oilaimyn". 29-shilde kúni Qazaqstan men Túrkiia basshylary qazaq-túrik strategiialyq seriktestigin odan ári nyǵaitý perspektivasyn talqylap, kelissóz júrgizedi", - dedi sarapshy.
Sondai-aq, ol bul kezdesýlerden ne kútiletinin aitty.
"Sońǵy aptada Ystambuldaǵy qarý-jaraq kórmesin qarap otyrdym. Túrkiia óte jaqsy jetistikterge jetken. Kórmede baiqaldy. Kelissózder barysynda qorǵanys salasyna qatysty da áńgimeler aitylar dep otyrmyn", - dedi ol.
