Qazaqtar óz arasynda tek qazaqsha sóıleýi, aqshasy men nazaryn orys tildi emes, qazaq medıa ónimderine baǵyttaýy qajet. Bul úrdis óz-ózimen júrip kele jatyr.
Orys qazir – 20-aq paıyz. Áńgimelesýge Almatynyń ózinde orys taba almaısyń. Mysalǵa, men orys mektebin bitirsem de oryssham taýsylyp barady. Oryssha maqalalaryma suranys azaıyp keledi. Al, qazaqsha kontent ósip keledi.
Úsh tuǵyrly til baǵdarlamasy sol óship bara jatqan orys tiline jan bitirý dep esepteńiz. Orystanǵan qazaq qazaqtanyp keledi.
Men Sarqan aýdanynanmyn, burynǵy Sarqan orystanǵan aýdan edi. Qazir tolyq qazaqy aýdan. Turǵyndarynyń birazy qytaı qazaqtary, olarda oryssha múlde joq.
Endigi kezekte Taldyqorǵan men Almaty. Meniń týysqandarym Taldyqorǵannan Almaty men Astanaǵa kóshken.
Endi «Habardy» tolyq qazaqshalasa Reseı teledıdaryn japty deı ber. Bara kele óz ózine jetkilikti halqymyz, orystyń rýhanıatyna, tiline, dinine tańmen qaraıtyn bolady. Al orystyń kóptep salynyp jatqan shirkeýlerin qazaqtar satyp alyp, meshitke aınaldyrady.
Ázimbaı Ǵalıdyń Feısbýktegi paraqshasynan alyndy
