IIM áleýmettik jeliler men messendjerlerdegi akkaýntty basqa adamdarǵa bermeý kerek ekenin málimdedi. Alaiaqtar jasóspirimderden sim kartalar men akkaýnttar alyp, olardy óz maqsatyna paidalanady, dep habarlaidy dalanews.kz.
Politsiia mundai áreketter qylmysqa járdemdesý retinde saralanatynyn eskertti.
"Kámeletke tolmaǵandar materialdyq syiaqy alý maqsatynda áleýmettik jeliler men messendjerler arqyly úshinshi tulǵalardyń ótinishimen sim kartalardy iske qosyp, olardy áleýmettik jeliler men messendjerlerge tirkep, keiin basqa adamdarǵa bergen oqiǵalar tirkelip jatyr. Qaskóiler bul akkaýnttardy alaiaqtyq qońyraý jasaý úshin paidalanady", - dedi IIM kiberqylmysqa qarsy is-qimyl departamentiniń basqarma bastyǵy Beibit Birjanov.
Vedomstvo mynadai eskertý jasady:
- shyǵý tegi kúmándi sim kartalar men qurylǵylardy satyp almaý jáne taratpaý qajet;
- akkaýntyn basqalardyń paidalanýyna bermeý kerek;
- kámeletke tolmaǵandarǵa mundai áreketterdiń jaýapkershiligi men saldaryn túsindirgen jón.
