Ana til - asyl qazyna
Ana tili – árbir ulttyń, ulystyń maqtanyshy, kóziniń qarashyǵyndai kóretin qazynasy, asyl murasy. Osy Asyl muramyzdy ulaǵattaý maqsatynda ál-Farabi atyndaǵy Qazaq Ulttyq ýniversitetiniń biologiia jáne biotehnologiia fakýltetinde biofizika jáne biomeditsina kafedrasynda 1 kýrs BB16 - 03K tobynyń uiymdastyrýymenen kafedradaǵy kýrator-edvaizerlerdiń qatysýymenen «Ana tilin ardaqtaiyq» atty saltanatty jiyn ótkizildi. Stýdentterge Til – ulttyń jany, halyqtyǵynyń asyl belgisi, namysy, tynys tirshiligimizdiń kózi, Ata Zańymyzben qorǵalatyn, erkindigimizdiń úni ekendigi aitylyp, ony qurmetteý, qorǵaý, keleshek urpaqqa jetkizý, Qazaqstannyń baqytty da parasatty, bilimdi de eńbekqor ul – qyzdary bizge ǵasyrlar boiy ata- babalarymyzdan jetken amanat ekendigi aityldy. Kafedra meńgerýshisi professor Sultan Tóleýhanuly men professor Nurtai Tormanuly elimizdiń kórnekti aqyn jazýshylary jyrlaǵandai til qai elde bolsa da qasterli, qudiretti, ári tarihi qundylyq, dostyqtyń kilti, yntymaqtastyqtyń bastaýy, yrys- berekeniń aldy ekendigine toqtalyp ótti. Fakýltetimizde ótkizilgen osyndai igi sharalardyń nátijesinde qazirgi jastarymyzdyń ult jandy, ári arly, mádenietimiz ben salt dástúrimizdi qadirlei biletin azamat bolatyndyǵyna úlken jol ashatyndyǵyna kýá boldyq.
Olai bolsa urpaqtar arasyndaǵy sabaqtastyqtyń uly jemisi – ana tili. Tilimizdi qasterleiik dep osyndai tárbielik máni joǵary sharalardy kóptep ótkizý stýdent jastarymyzǵa tas bulaqtyń tunyǵy da, ana sútiniń uǵymy da, raihan gúldiń juparlylyǵy da, nazdy sulýdyń náziktigi de, sahar dalanyń jazyqtyǵy da qasietti qazaq tilinde ekendigin úiretemiz.
Tilimizdi dilimizdi qasterleiik!
Biofizika jáne biomeditsina kafedrasy PhD Álibek Ydyrys
Kýrator – edvaizerler Jandos Basygaraev, Gúlshat Atanbaeva.
