– Jaqynda Qazaq radiosyndaǵy «Bestseller» baǵdarlamasyna suhbat berdim. Áńgimemiz bir kezde Amangeldi Seiithanǵa buryldy.
Onyń ishinde Aman aǵanyń tikelei efirden shettetilip, kommentator bolýyna kedergi kelitrgendi de aittym.
Máselen, aǵamyz 2016-2017 jyldarǵa deiin mikrofon ustap, bizben birge «poliada» júrdi. Ony qyzmette ósirmeý týraly tikelei buiryq boldy. Sheteldegi sporttyq sharalarǵa barýyna múmkindik bermedi.
Osydan keiin amalsyz, jumystan ýaqytsha shyǵyp, federatsiiaǵa ne ministrlikke kelisimmen jumysqa turady. Sóitip, solardyń atynan ǵana baryp júrgenin kórdim.
Al redaktor bolǵan kezinde mátindi ózgertýge, tipti, efirdegi materialǵa tiisýge tyiym saldy.
Osynyń bárin boǵymen jasty qyz-jigitter istedi. Árine, moraldyq turǵyda aýyr. Aǵamyzdyń kemshiligi – sonyń bárin ishinde saqtady. Ashyq aitpady. Sherin tarqatpady. Sońynda qaitys bolýyna da sol túrtki dep oilaimyn.
Óitkeni, kovid kezinde osyndai jaralardyń beti ashylyp, barlyq aýrý qozady ǵoi. Qysqasy, sóitip, Amangeldi Seiithandy óltirdi. Ashylaý bolsa da, ashyǵy osy. Endi odan jaqsy adam tappai júrmiz.
Qalai bolǵanda da, Amangeldi Seiithan óz biiginde qaldy. Onyń esimin de, eńbegin de kópshilik jaqsy biledi. Biz turǵanda nasihattala beredi de.
Al, onyń balaǵynan tartyp, jan-jaǵynan julmalaǵan kimder? Olardy eshkim bilmeidi. Olar áli tiri júr. Olar solai ómirden ótedi de.
Ókinishtisi, Amangeldi Seiithan siiaqty talai adamdy jalmap ketedi. Olarda ókinish bolmaidy. Olardyń missiiasy sol. Olardyń qolynan basqa eshteńe kelmeidi. Radiodaǵy suhbatty osyndai oilarmen túiindedim...
