Solardyń biri Taldyqorǵan qalasynyń turǵyny, zeinetker Jarylqasyn Turysbekova óz otbasy men qalalyq politsiia qyzmetkerleri arasynda bolǵan túsinbestik jáne soǵan bailanysty muǵalim balasynyń jumys ornynda problemalar týyndaǵanyn jetkizdi.
Óz kezeginde Amandyq Batalov oblystyq politsiia departamenti bastyǵynyń birinshi orynbasary, polkovnik Janbolat Ziadinge jaǵdaidy anyqtap, sheshimin habarlaýdy tapsyrdy. Sol siiaqty oblystyq bilim jáne densaýlyq saqtaý basqarmalaryna muǵalimniń múmkindiginshe jumys ornyn saqtaýdy qarastyryp, oǵan barynsha moraldyq-psihologiialyq jáne meditsinalyq kómek kórsetý kerektigin aitty.
Oblys ákimi memlekettik turǵyn úi qorynan beriletin úiler zańǵa sáikes kezek retimen beriletinin eske saldy. Al kezek retiniń jyljýyn qýzaý úshin turǵyn úilerdi kóptep salý qarastyrylmaq. Máselen, biylǵy jyly kópbalaly otbasylarǵa arnap eki kópqabatty turǵyn úi, jalpy sany 120 páter salý josparlanyp otyr. Sol siiaqty kópbalaly otbasylaryna arnalǵan úilerdi árbir aýdan ortalyqtarynda da salý qolǵa alynady.
Osyndai sharalar jaily aita kele, oblys basshysy Kóksý aýdanynyń ákimi A.Ádilge Á.Esenǵulovanyń turǵyn úi máselesin sheshýge «Keń Dala» sharýaqojalyǵynyń basshysy Qalibek Alpysbaev siiaqty jergilikti iri kásipkerlerdi tartýdy tapsyrdy.
Raihan Qaptaǵaeva Merekelik saiajaiyndaǵy úiiniń qujattaryn biraz ýaqyttan beri jasata almai júrgenin sóz etti. Sol siiaqty úlken balasynyń kózine operatsiia jasatýǵa kómektesýdi jáne mekteptegi balalaryn tegin ystyq tamaqpen, kiim-keshekpen qamtýdaǵy qaǵazbastylyqty azaitýdy surady.
Amandyq Batalovtyń tapsyrýymen oblystyq densaýlyq saqtaý basqarmasy syrqatty tolyq tekserýden ótkizip, qajet jaǵdaida operatsiiasyna qoldaý kórsetetin bolady.
Budan ózge...
Oblys ákiminiń qabyldaýyna az qamtylǵan jáne kópbalaly otbasylarynyń múshelerinen jalpy sany 30-dan astam adam kirdi. Olar birneshe áleýmettik máselelerdi kóterdi.
Solardyń ishinde birqatarynyń máselesi sol mezette sheshimin tapty. Máselen, 8 balanyń anasy Ainagúl Toqpanbetova I.Jansúgirov atyndaǵy JMÝ-da 2-kýrsta aqyly bólimde oqityn balasyn tegin oqytýǵa aýystyrýǵa bola ma degen saýalyn qoidy.
«Esepti kezdesýimde aitqan edim, respýblikada alǵashqylardyń biri bolyp kópbalaly jáne az qamtylǵan otbasylaryn qoldaý maqsatynda Áleýmettik karta daiyndap jatyrmyz. Sonyń sheńberinde osyndai otbasylarynyń balalaryna arnap joǵary oqý oryndarynda tegin oqýmen qamtý úshin qosymsha 100 grant bólip otyrmyz. Sizdiń balańyz sol 100 grant ieleriniń tizimine kirgen alǵashqylardyń biri bolady», – dedi A.Batalov.
Atap ótsek, analardyń kótergen máseleleriniń basym bóligi densaýlyq saqtaý salasyna bailanysty boldy. Sonyń ishinde emdeýge kvota alý, kepildik berilgen tegin dári-dármekpen der kezinde qamtamasyz etý, múgedek balalardy ońaltý ortalyqtaryna jiberý, VTEK-ten ótýdegi týyndaityn qiyndyqtar máseleleri aityldy.
Sondai-aq jumyspen qamtýdy úilestirý jáne áleýmettik baǵdarlamalar basqarmasynyń jergilikti jerlerdegi bólimderiniń jumysyna birqatar syn aityldy. Sala qyzmetkerleri halyqqa qyzmet kórsetý barysynda dórekilik kórsetetini, múgedekterge beriletin qajetti tehnikalyq qozǵalys quraldaryn jáne gigienalyq quraldardyń keshigip beriletini sóz boldy.
Amandyq Batalov oblystyq densaýlyq saqtaý basqarmasy men jumyspen qamtýdy úilestirý jáne áleýmettik baǵdarlamalar basshylaryna aitylǵan árbir máseleni jeke zerdelep, tiisti sheshimder qabyldaýdy tapsyrdy.
Osy kezdesýde Shaiqorǵan, Merekelik, Úitas saiajailarynyń turǵyndary da óz máselelerin jetkizdi. Jol jóndeý, jyly aialdamalar, kameralar qoiý, aryq júiesin jasaý, sol siiaqty Shaiqorǵan baý-baqsha qoǵamynyń qujattaryn jasaýǵa, Úitas saiajaiynyń sýarmaly sý júretin júiesin jóndeýge kómek surady.
Oblys ákimi jýyrda saiajailar men shetki turǵyn aýdandardy aralap, burynǵy berilgen tapsyrmalarynyń oryndalý barysyn kórgenin aitty.
Sol aralaý kezinde abattandyrý, infraqurylymdardy damytý boiynsha bergen tapsyrmalary hattamaǵa túsirilgen, qabyldanatyn sharalardan halyq habardar bolý úshin hattama oblystyq BAQ-ta jariialanatyn bolady. Shetki aimaqtardyń máseleleri turaqty baqylaýǵa alynyp, birqatary biyl sheshimin tappaq.
Áleýmettik karta ázirlenip jatyr
Kezdesý barysynda birneshe márte kóterilgen turǵyn úi máselesine qatysty da oblys ákimi tolyq túsindirip berdi.
– Memlekettik turǵyn úi qorynan beriletin úi tek kezektegilerge jáne qatań túrde kezek retimen beriletinin taǵy da esterińizge salamyn. Halyqtyń áleýmettik áljýaz toptaryn baspanamen qamtý kólemin ulǵaitý úshin salynatyn turǵyn úiler qurylysyn kóbeitemiz.
Bul rette bizge «Nurly jer» memlekettik baǵdarlamasy úlken múmkindikter beredi. Biz kópbalaly jáne az qamtylǵan otbasylaryn qoldaý maqsatynda Áleýmettik karta ázirlep jatyrmyz. Atalǵan sanattaǵy otbasylaryn qoldaý úshin 3 mlrd teńge kóleminde qosymsha qarjy bólinedi. Áleýmettik karta sheńberinde oblys ortalyǵynda kópbalaly otbasylar úshin kópqabatty eki úidiń jobasy ázirlenip jatyr, sol siiaqty kottedj qalashyǵynan da úi bólý múmkindikteri qarastyrylady. Osy sanattan «7-20-25» baǵdarlamasyna qatysatyndarǵa 1 mln teńgeden turǵyn úi sertifikaty beriledi, bólinetin somanyń jalpy kólemi 300 mln teńge bolady, – dedi A.Batalov.
Sol siiaqty tabiǵi gazǵa jeńildikpen qosý, 16 myń jeke turǵyn úige ýly gaz datchikterin qaitarymsyz ornatý qarastyrylatynyn aitty.
Jyl saiyn az qamtylǵan jáne kópbalaly otbasylarynyń balalaryna joǵary oqý oryndaryna oqýǵa qosymsha 100 grant bólinbek. Az qamtylǵan otbasylarynyń balalary mektepte ystyq tamaqpen 100% qamtylady.
Kópbalaly analar úshin qalalyq qoǵamdyq kólikte tegin júrý máselesi sheshilgen. Oǵan qosa halyqtyń áleýmettik áljýaz toptaryna jatatyn otbasylarynan shyqqan 31 myń balanyń balabaqshalarda tamaǵyn sýbsidiialaý oilastyryldy, oǵan biýdjetten 1,2 mlrd teńge bólinedi. Sol siiaqty aýdan ortalyqtary men qalalarda «Bir tereze» printsipimen kópbalaly jáne az qamtylǵan otbasylaryna qyzmet kórsetetin ortalyqtar ashylady.
Sondai-aq oblys ákimi A.Batalov búgingi azamattardy qabyldaý barysynda aitylǵan máselelerden Áleýmettik kartaǵa tolyqtyrýlar engizýdi qajet dep tapqanyn aitty:
– Sizderdiń kótergen máselelerińizdi tyńdai kele, Áleýmettik kartaǵa taǵy da eki tarmaq qosamyz dep oilap otyrmyn. Kórsetiletin barlyq aqyly meditsinalyq qyzmetterdiń, sonyń ishinde jeke klinikalardaǵy da qyzmetter kóp balaly analar men olardyń balalaryna memlekettik tapsyrys negizinde tegin kórsetilý sharalaryn qarastyrýǵa tiispiz. Sol siiaqty olardy dári-dármekpen qamtý jaiyn da oilastyrýmyz kerek.
Kezdesý sońynda oblys ákimi turǵyn úi máselelerimen jyl basynda alǵash bolyp júgingen bir top anany qabyldap, máseleleriniń kezeń-kezeńimen sheshilý barysyn túsindirip, orynbasary A.Abdýaliev pen qala ákimi D.Shaltabaevqa isti jiti baqylaýǵa alý týraly naqty tapsyrmalar berdi.
