Eń aldymen Amandyq Batalov Jaqsylyq Úshkempirovpen birge dańqty sportshynyń esimin ielengen sport kesheninde boldy.
Búginde Jaqsylyq Úshkempirovtiń esimi elge Olimpiada jeńimpazy, aty ańyzǵa ainalǵan sportshy ǵana emes, tabysty biznesmen ári metsenat retinde de tanymal. Ol óziniń týǵan jeri Myńbaev aýylynda birqatar áleýmettik mańyzdy nysandar ashqan. Olardyń qatarynda sport kesheni de bar. Onyń kúrdeli jóndeýine metsenat 73 mln. teńge jumsaǵan. Keshende kúres, boks, aýyr atletika, fitnes, fýtbol, voleibol jáne oiyn zaldary bar. Munda grek-rim kúresi, erkin kúres, qazaqsha kúres, sambo, dziýdo, sol siiaqty fýtbol, basketbol, toǵyzqumalaq úiirmeleri jumys jasaidy. A. Batalov boks, erkin kúres, grek-rim kúresi, qazaqsha kúres pen trenajerlyq zaldardy aralap kórdi. J. Úshkempirov jastardy sportqa baýlý, salamatty ómir saltyna tartý asa mańyzdy is ekenin atap ótip, bul baǵyttaǵy jumysty jalǵastyratynyn aitty.
Munan soń «Jaqsylyq» jekemenshik balabaqshasynda jáne shaǵyn otbasylaryna arnalǵan jataqhanada boldy. Bul eki nysan da J. Úshkempirovtiń qarjysyna kúrdeli jóndeýden ótken. Balabaqsha 2015 jyldyń aqpan aiynan jumys isteidi, qazir munda 100 bala tárbielenýde. Metsenat ǵimaratty tolyq jańǵyrtýdan ótkizip, mýzykalyq zal salyp berdi.
Shaǵyn otbasylarǵa arnalǵan jataqhanada turmysqa qajetti jaǵdailardyń bári jasalyp, gaz tartylǵan. Búgingi kúni munda 105 otbasy turyp jatyr.
Budan keiin oblys ákimi jýyrda kúrdeli jóndeýden ótkizilgen aýyldyq mádeniet úiiniń jumysymen tanysty. 1973 jyly salynǵan bul ǵimarattyń kúrdeli jóndeýine 237 mln. teńge baǵyttalǵan, taǵy 14 mln. teńge materialdyq-tehnikalyq bazasyn nyǵaitýǵa bólinipti. Qazirgi kezde mádeniet úiindegi «Óner» mektebiniń dombyra, fortepiano, gitara, vokal, ulttyq biler, akterlyq sheberlik jáne basqa da úiirmelerine kelýshi jas ósinder qatary az emes. Sonymen qatar munda balalardy qolónerge de baýlidy. 750 oqyrmanǵa arnalǵan kitaphananyń 20 oryndyq oqyrman zaly da bar.
Osy kúni oblys ákimi Uzynaǵash aýylyndaǵy mádeniet úiinde Jambyl aýdany ákiminiń qorytyndy esep berý jiynyna qatysty.
Jambyl aýdanynyń ákimi J. Dalabaev óz baiandamasynda atap ótkendei, 2017 jyldyń qorytyndysy boiynsha óńirdegi áleýmettik-ekonomikalyq damýdyń oń serpini saqtalǵan.
J. Dalabaevtyń aitýynsha, jyl qorytyndysy boiynsha aýdanda óndirilgen aýyl sharýashylyǵy óniminiń kólemi 42 mlrd. teńgeni qurady, naqty kólem indeksi – 105,1 %. Aýyl sharýashylyǵyn qoldaýdyń «Agrobiznes – 2020» memlekettik baǵdarlamasy sheńberinde bólingen 1 mlrd. 81 mln. teńge tolyǵymen igerilgen. Aýdanda 15 mal bordaqylaý alańy, 8 sút-taýarly fermasy jumys isteidi. Biylǵy jyly 500 basqa arnalǵan 1 sút-taýarly fermasy ashylyp, 25 jańa jumys orny qurylǵan. Tartylǵan investitsiia kólemi 1 mlrd. 300 mln. teńge boldy.
Aýdandaǵy ónerkásip óndirisiniń kólemi 14 mlrd. 85 mln. teńgege jetti. Shaǵyn jáne orta bizneste 7231 nysan jumys istese, olar shyǵarǵan ónim men kórsetken qyzmet quny 13 mlrd. teńgeden asqan. Bul salada qazir 13 myń adam eńbek etýde.
Aýdan ákiminiń baiandamasynan keiin talqylaý bastaldy. Aýdan turǵyndary túrli salaǵa qatysty 10-nan astam saýal qoidy. Dárigerlik ambýlatoriia salý qajettigi, jas mamandardy qoljetimdi baspanamen qamtý, aýdandyq jastarǵa qyzmet kórsetý ortalyǵyn ashý, aýylishilik joldardy jóndeý, aýyz sýmen qamtamasyz etý, qazandyqtardy qalpyna keltirý jáne basqa da máseleler kóterildi. Olardyń árqaisysyna tushymdy jaýaptar berildi.
Jiynda qorytyndy sóz sóilegen oblys ákimi Amandyq Batalov oblystyń áleýmettik-ekonomikalyq damý jaǵdaiynan az-kem baiandap, aýyl sharýashylyǵy, onyń ishinde daqyldardy ósirý men óńdeý máselesine erekshe toqtaldy. Sondai-aq A. Batalov bul oraida Jambyl aýdanynyń qosyp otyrǵany úlesi bar ekenin de atap ótti.
- Búgin «Týǵan jer» baǵyty boiynsha ashylyp, jumys istep turǵan birqatar nysandarda boldym. Bul jaǵynan aýdanda úlgi eterlik jumystar bar. Jánejyl ishinde az jumys jasalǵan joq, biraq alda úlken mindetter tur. Aýdanda bilim sapasyn kóterý, ana ólimin boldyrmaý baǵytynda tyńǵylyqty jumystar atqarý qajet. Ákimder turǵyndardyń ómir súrýine qajetti jaǵdailar jasap, ásirese, turǵyn úi-kommýnaldyq salada týyndaǵan máselelerdi sheshýge basa nazar aýdarsyn, - dedi A. Batalov.
Almaty oblysy ákiminiń baspasóz qyzmeti.
