Merekelik shara Konstitýtsiianyń qalyptasý tarihy týraly prologpen ashyldy. Munan soń oblys ákimi Amandyq Batalov jinalǵandardy merekemen quttyqtady.
– Eldiń basty qujaty, kieli kitaby sanalatyn Konstitýtsiia ár azamatqa ózin jeke tulǵa retinde damytýǵa, erkin bilim alýǵa, qalaýynsha eńbek etýge, kásippen ainalysýǵa, rýhani jáne materialdyq igilikterge qol jetkizýge múmkindik berip otyr. Sondyqtan da ystyq meken, jyly uia, ortaq Otanymyz Qazaqstanda ómir súrý – biz úshin zor maqtanysh! Konstitýtsiiamyzdyń «Biz, Qazaqstan halqy» dep bastalýynyń ózi memleketimizde el birliginiń, halyqtar dostyǵynyń negizgi qundylyq ekenin aiǵaqtaidy. Basty Zańymyz barshamyzdy tatýlyqqa, eljandylyqqa, bir-birimizge qurmetpen qaraýǵa shaqyrady. Táýelsizdiktiń 30 jylǵa jýyq tarihy Ata Zańymyz aiqyndaǵan osy baǵytymyzdyń durys ekenin kórsetip otyr. Búginde Qazaqstan bedeldi, órkendeý jolyna túsken, tarihy, tili, mádenieti qalyptasqan, álem kartasynan berik oryn alǵan memleketke ainaldy. Sol jetken jetistikterimizdi, Elbasy salyp bergen sara joldy jalǵastyrýǵa, strategiiasyn odan ári nyǵaitýǵa Prezidentimiz Qasym-Jomart Kemeluly Toqaev bárimizdi jumyldyryp otyr. Osy ortaq iske atsalysyp, belsene úles qosý – basty mindetimiz, – dep atap ótken A.Batalov oblystyń damý jaǵdaiy jaiynda qysqasha aityp berdi.
Máselen, Nur Otan partiiasynyń XVIII sezinde berilgen tapsyrmalardy oryndaý maqsatynda respýblikalyq biýdjetten kópbalaly otbasylardy turǵyn úimen qamtamasyz etýge qosymsha 5,6 mlrd teńge bólindi, sonyń 2,2 mlrd teńgesi 180 páterlik 8 turǵyn úi salýǵa, sol siiaqty 3,4 mlrd teńgesi 492 páter satyp alyp berýge baǵyttalady. Qabyldanǵan sharalardyń arqasynda biylǵy jyly oblys boiynsha 672 kópbalaly otbasy kópten kútken baspanalaryna qol jetkizedi. Jalpy, «Nurly jer» baǵdarlamasynyń sheńberinde áleýmettik áljýaz toptardy jalgerlik turǵyn úimen qamtamasyz etý úshin biýdjetten 8,7 mlrd teńge bólindi. 708 páterlik 284 turǵyn úi paidalanýǵa beriledi dep josparlanǵan. Osy jetistikterdiń barlyǵyna da negizi Zańymyzdyń talaptary men erejelerin basshylyqqa alýdyń nátijesinde qol jetkizildi. Barshańyzdy Konstitýtsiia kúnimen quttyqtai otyryp, myqty densaýlyq, eseli eńbek, tolaiym tabys, ár otbasyna baq-bereke tileimin! – degen A.Batalov, saltanatty budan ári marapattaý rásimimen jalǵastyryp, birqatar memlekettik, sot jáne jergilikti atqarýshy organdar qyzmetkerlerine oblys ákiminiń Qurmet gramotasy men Alǵys hatyn tabystady. Sonymen birge sailaý zańnamasynyń konstitýtsiialyq negizderin bilýge arnalǵan jas memlekettik qyzmetshiler arasyndaǵy aktsiianyń jeńimpazy Merjan Tólegenovke QR Ortalyq sailaý komissiiasynyń diplomy berildi.
Jas mamandardy quttyqtaǵan Amandyq Batalov, jaýapkershilikti sezine otyryp, halyqqa adal qyzmet etkende ǵana jetistikke jetýge bolatynyn tilge tiek etip, memlekettik qyzmettegi eńbekterinde abyroily bolýlaryna tilektestik bildirdi.
Almaty oblysy ákiminiń baspasóz qyzmeti
