Astanada ótken Amanat partiiasynyń XXVI sezinde Májilis depýtaty Únzila Shapaq partiianyń “Ádilet” partiiasymen birigý bastamasyn qoldaitynyn málimdedi, dep habarlaidy dalanews.kz.
Onyń aitýynsha, qazirgi kezeńde saiasi kelispeýshilikterden góri ult múddesi, eldegi turaqtylyq pen damý basym bolýy tiis.
“Amanat” pen “Ádilet” partiialaryn biriktirý bastamasyn qoǵam men memlekettiń múddesine qyzmet etetin saiasi kúshterdiń áleýetin odan ári arttyrýǵa baǵyttalǵan sheshim retinde qarastyramyz”, – dedi depýtat.
Únzila Shapaq ár partiianyń óz ustanymy men ereksheligi bolǵanymen, olardy ortaq qundylyqtar biriktiretinin atap ótti. Onyń qatarynda jańartylǵan Konstitýtsiiada bekitilgen ádiletti memleket qurý qaǵidaty, táýelsiz Qazaqstannyń turaqtylyǵy men qaýipsizdigi, azamattardyń ál-aýqaty jáne keler urpaqtyń bolashaǵy bar.
Depýtattyń pikirinshe, bul qadam – saiasi júieniń tabiǵi damýynyń kórinisi ári el múddesine qyzmet etetin kúshterdiń ortaq maqsat jolynda toptasýǵa daiyn ekeniniń dáleli.
Sondai-aq ol qoǵam senimin nyǵaitýǵa, reformalardy jalǵastyrýǵa jáne memleketti damytýǵa baǵyttalǵan jumystar aldaǵy ýaqytta da ózgerissiz qalatynyn aitty. Onyń sózinshe, osy jolda taraptar kúsh biriktirip, el igiligi úshin eńbek etýdi jalǵastyrady.
