Amanat partıasynyń "Jastar Rýhy" jastar qanatynyń tóraǵasy jáne Temirtaý qalasy ákiminiń eks orynbasary Nurjan Jetpisbaev mas kúıde kólik aıdap ustalǵan bolyp shyqty, - dep habarlaıdy Dalanews.kz.

Bul týraly Erbol Edilov habarlady. Jetpisbaevtyń isine qatysty sottyń sheshimi 2023 jyldyń 15 qyrkúıeginde shyqqan.

Sheshimdi Astananyń Mamandandyrylǵan aýdanaralyq ákimshilik soty shyǵarǵan. Sheshimge sáıkes Nurjan Jetpisbaev kólikti mas kúıde aıdaǵany úshin 15 táýlikke qamaýǵa alynyp, kólik júrgizý quqyǵynan 7 jylǵa aıyrylǵan.

Sot kabıneti júıesinde Jetpisbaevqa qatysty is rasynda tur. Alaıda sot kabınetinde ákimshilik is boıynsha qujattar kórinbeıdi.

Aıta keteıik, Nurjan Jetpisbaev 2019 jyldan beri memlekettik qyzmette. Jasy 34-te. Ol "Qaraǵandy oblysynyń jastar saıasaty máseleleri jónindegi basqarmasy" memlekettik mekemesiniń basshysy bolyp jumys istegen. Al 2020 jyly 26 qazanda Temirtaý qalasy ákiminiń orynbasary bolyp taǵaıyndalǵan. Keıinnen 2021 jyly qańtarda Jas Otan-nyń (qazirgi "Jastar Rýhynyń") basshysy bolyp taǵaıyndaldy.