Jiyn barysynda Erlan Qoshanov Prezidenttiń jalpyulttyq referendým ótkizý bastamasyn qoldaý jónindegi «AMANAT» partiiasynyń málimdemesin jariialady.
«Prezident Qazaqstan halqyna jariialaǵan biylǵy Joldaýynda aýqymdy saiasi reformalar usyndy. Bul reformalardyń maqsaty – halyqtyń ál-aýqatyn arttyrý, sýperprezidenttik basqarý formasynan Parlament pen máslihattardyń róli kúsheigen saiasi júiege kóshý, demokratiialyq protsester qarqynyn údetý, eldegi birlik pen yntymaqty arttyrý», - delingen málimdemede.
Partiia Tóraǵasy aýqymdy reformalar sailaý, partiialyq jáne sot-quqyqtyq júiesin, aýmaqtyq-territoriialyq qurylymy men memlekettik biliktiń bóliný printsipin túbegeili ózgertetinin atap ótti.
– Bul – Ekinshi Respýblikanyń saiasi irgetasy. Prezidenttiń osy tarihi sheshimderi – jańa ári ádiletti Qazaqstan qurý jolynda jasalǵan iri qadam. Munyń barlyǵy saiasi básekelestikti kúsheitýge jol ashyp, Qazaqstan azamattaryna jańa ári teń múmkindikter beredi. Memleket basshysy usynǵan keshendi reformalardy júzege asyrý úshin Konstitýtsiiaǵa 33 ózgeris pen tolyqtyrý engizý qajet. Atalǵan ózgeristerdi quqyqtyq turǵyda bekitý úshin Prezident respýblikalyq referendým ótkizýdi usyndy. Konstitýtsiiany jalpyhalyqtyq daýys berý arqyly ózgertý – «memlekettik biliktiń birden-bir qainar kózi – halyq» degen printsiptiń is júzinde oryndalýynyń aiǵaǵy. «AMANAT» partiiasy Konstitýtsiialyq reformanyń mańyzdylyǵyn tereń túsine otyryp, aldaǵy referendýmdy ótkizýdi tolyq qoldaidy! – dedi Erlan Qoshanov.
Onyń aitýynsha, búkilhalyqtyq referendým memlekettiń naqty ózgeristerge bet burǵanyn kórsetip otyr, sondyqtan partiia barlyq kúsh-jigerin konstitýtsiialyq reformany qoǵamdyq qoldaýdy uiymdastyrýǵa baǵyttaýǵa daiyn.
«Memleket basshysy usynǵan reforma – Qazaqstannyń strategiialyq bolashaǵyn aiqyndaityn bastama. Biz ashyq, órkendegen, zań ústemdik etetin, teńdik ornaǵan qoǵam qurýdy kózdep otyrmyz. Prezident pen halyqtyń maqsaty ortaq, kózdegeni bir. Sol sebepti referendýmǵa qatysý – barlyǵymyzǵa ortaq borysh! El taǵdyryn aiqyndaityn osynaý mańyzdy kezeńde eshkim shet qalmaýǵa jáne tarihi tańdaý jasaýǵa tiis. Egemen elimizdiń erteńi – halyqtyń qolynda!», - dedi Erlan Qoshanov.
Jiyn barysynda shtabtardyń jumysyn joǵary deńgeide uiymdastyrýǵa qatysty birqatar naqty tapsyrma berildi.
