Jiyndy aimaqtyq partiia filialynyń Atqarýshy hatshysy Beisen Tájibaev júrgizip otyrdy. Birlesken otyrysqa atalǵan keńesterdiń tóraǵalary Ǵ.Elshibai jáne N.Ábishov, jaýapty basqarma basshylarynyń orynbasarlary jáne keńes músheleri qatysty.
Oblystaǵy bilim salasynda 119 myń shtat birligi, onyń ishinde 80874 pedagog bar. Olarǵa 105,4 mlrd teńge qarjy tólenýde.
Pedagogtardyń eńbek quqyǵyn kún tártibine alǵan májiliste oblystyq adami áleýetti damytý basqarma basshysynyń orynbasary A.Óserbaev baiandama jasady.
Onyń aitýynsha, byltyr zańǵa sáikes muǵalimderdiń júktemesi 18 saǵattan 16 saǵatqa tómendeýi saldarynan 2,4 mlrd teńge kóleminde bereshek qaryzdar ótelgen. Biyl da bul jaǵdai oryn aldy. Degenmen mamyr aiyna josparlanǵan 29,9 mlrd teńge tolyq igerilgen.
Beisen Tájibaev bul máseleler qarjynyń tapshylyǵynan emes jergilikti atqarýshy organdardyń jiti mán berip, jumys júrgizbeýiniń saldarynan týyndap otyrǵanyn aitty.
Ekinshi máselede «AMANAT» partiiasynyń Túrkistan oblysy boiynsha sailaýaldy baǵdarlamasyn oryndaý jónindegi Jol kartasynyń «Bilim sapasyn arttyrý» bóliminde josparlanǵan tarmaqtarynyń oryndalýy boiynsha jaýapty basqarmalardyń esebi tyńdaldy.
Jol karta aiasynda biyl oblysta 59 mekteptiń qurylys jumystaryn júrgizýge 20,5 mlrd teńge qaralǵan. Onyń ishinde 1,8 mlrd teńge «Aýyl el besigi» baǵdarlamasy arqyly, respbýlikalyq biýdjetten 150,0 mln teńge jáne oblystyq biýdjetten 18,6 mlrdteńge bólingen.
Jyl sońyna deiin 59 mekteptiń 21-in paidalanýǵa tapsyrý josparlanǵan. Biraq joǵaryda atap ótkendei bul baǵytta problema joq emes.
Oblystyq qurylys basqarma basshysynyń orynbasary M.Turdiev 3 mekteptiń qurylysy merdiger mekememen kelisimsharttyń buzylýyna orai toqtap turǵanyn málimdedi.
Nysandardyń jobalyq-smetalyq qujattaryn qaita túzetý qajettiligi týyndaýda. Atap aitqanda Jetisai aýdanyndaǵy 300 oryndyq, Qazyǵurt jáne Otyrar aýdandaryndaǵy 100 oryndyq mektepterdiń qurylysy aiaqsyz qalǵan.
Qoǵamdyq keńes tóraǵasy Ǵ.Elshibai bul problemalar mektepterdiń qurylysyn júielendirse ǵana kedergisiz iske asatynyn alǵa tartty. Osy máseleni jalǵaǵan jiyn qatysýshylary qurylysy toqtap turǵan bilim nysandaryna qarjy qarastyrý jáne onyń sapasyna qatysty syn-eskertpelerin aitty.
Máseleni zerdelep, naqty usynystardy depýtattardyń birlesken otyrysynda jumystar júrgizý tapsyryldy. Sondai-aq N.Ábishov atalmysh máselege qatysty endi partiialyq baqylaý júrgiziletinin jetkizdi. Birlesken otyrysta kóterilgen taqyryptar jan-jaqty talqylandy. Onda aitylǵan usynystarmen jumys isteýge jiynda tiisti sheshimder qabyldandy.
