جيىندى ايماقتىق پارتيا فيليالىنىڭ اتقارۋشى حاتشىسى بەيسەن تاجىبايەۆ جۇرگىزىپ وتىردى. بىرلەسكەن وتىرىسقا اتالعان كەڭەستەردىڭ ءتوراعالارى ع.ەلشىباي جانە ن.ءابىشوۆ، جاۋاپتى باسقارما باسشىلارىنىڭ ورىنباسارلارى جانە كەڭەس مۇشەلەرى قاتىستى.
وبلىستاعى ءبىلىم سالاسىندا 119 مىڭ شتات بىرلىگى، ونىڭ ىشىندە 80874 پەداگوگ بار. ولارعا 105،4 ملرد تەڭگە قارجى تولەنۋدە.
پەداگوگتاردىڭ ەڭبەك قۇقىعىن كۇن تارتىبىنە العان ماجىلىستە وبلىستىق ادامي الەۋەتتى دامىتۋ باسقارما باسشىسىنىڭ ورىنباسارى ا.وسەربايەۆ بايانداما جاسادى.
ونىڭ ايتۋىنشا، بىلتىر زاڭعا سايكەس مۇعالىمدەردىڭ جۇكتەمەسى 18 ساعاتتان 16 ساعاتقا تومەندەۋى سالدارىنان 2،4 ملرد تەڭگە كولەمىندە بەرەشەك قارىزدار وتەلگەن. بيىل دا بۇل جاعداي ورىن الدى. دەگەنمەن مامىر ايىنا جوسپارلانعان 29،9 ملرد تەڭگە تولىق يگەرىلگەن.
بەيسەن تاجىبايەۆ بۇل ماسەلەلەر قارجىنىڭ تاپشىلىعىنان ەمەس جەرگىلىكتى اتقارۋشى ورگانداردىڭ ءجىتى ءمان بەرىپ، جۇمىس جۇرگىزبەۋىنىڭ سالدارىنان تۋىنداپ وتىرعانىن ايتتى.
ەكىنشى ماسەلەدە «AMANAT» پارتياسىنىڭ تۇركىستان وبلىسى بويىنشا سايلاۋالدى باعدارلاماسىن ورىنداۋ جونىندەگى جول كارتاسىنىڭ «ءبىلىم ساپاسىن ارتتىرۋ» بولىمىندە جوسپارلانعان تارماقتارىنىڭ ورىندالۋى بويىنشا جاۋاپتى باسقارمالاردىڭ ەسەبى تىڭدالدى.
جول كارتا اياسىندا بيىل وبلىستا 59 مەكتەپتىڭ قۇرىلىس جۇمىستارىن جۇرگىزۋگە 20،5 ملرد تەڭگە قارالعان. ونىڭ ىشىندە 1،8 ملرد تەڭگە «اۋىل ەل بەسىگى» باعدارلاماسى ارقىلى، رەسپبۋليكالىق بيۋدجەتتەن 150،0 ملن تەڭگە جانە وبلىستىق بيۋدجەتتەن 18،6 ملردتەڭگە بولىنگەن.
جىل سوڭىنا دەيىن 59 مەكتەپتىڭ 21ء-ىن پايدالانۋعا تاپسىرۋ جوسپارلانعان. ءبىراق جوعارىدا اتاپ وتكەندەي بۇل باعىتتا پروبلەما جوق ەمەس.
وبلىستىق قۇرىلىس باسقارما باسشىسىنىڭ ورىنباسارى م.تۇردييەۆ 3 مەكتەپتىڭ قۇرىلىسى مەردىگەر مەكەمەمەن كەلىسىمشارتتىڭ بۇزىلۋىنا وراي توقتاپ تۇرعانىن مالىمدەدى.
نىسانداردىڭ جوبالىق-سمەتالىق قۇجاتتارىن قايتا تۇزەتۋ قاجەتتىلىگى تۋىنداۋدا. اتاپ ايتقاندا جەتىساي اۋدانىنداعى 300 ورىندىق، قازىعۇرت جانە وتىرار اۋداندارىنداعى 100 ورىندىق مەكتەپتەردىڭ قۇرىلىسى اياقسىز قالعان.
قوعامدىق كەڭەس ءتوراعاسى ع.ەلشىباي بۇل پروبلەمالار مەكتەپتەردىڭ قۇرىلىسىن جۇيەلەندىرسە عانا كەدەرگىسىز ىسكە اساتىنىن العا تارتتى. وسى ماسەلەنى جالعاعان جيىن قاتىسۋشىلارى قۇرىلىسى توقتاپ تۇرعان ءبىلىم نىساندارىنا قارجى قاراستىرۋ جانە ونىڭ ساپاسىنا قاتىستى سىن-ەسكەرتپەلەرىن ايتتى.
ماسەلەنى زەردەلەپ، ناقتى ۇسىنىستاردى دەپۋتاتتاردىڭ بىرلەسكەن وتىرىسىندا جۇمىستار جۇرگىزۋ تاپسىرىلدى. سونداي-اق ن.ءابىشوۆ اتالمىش ماسەلەگە قاتىستى ەندى پارتيالىق باقىلاۋ جۇرگىزىلەتىنىن جەتكىزدى. بىرلەسكەن وتىرىستا كوتەرىلگەن تاقىرىپتار جان-جاقتى تالقىلاندى. وندا ايتىلعان ۇسىنىستارمەن جۇمىس ىستەۋگە جيىندا ءتيىستى شەشىمدەر قابىلداندى.
