Oǵan Parlament depýtattary, qoǵam qaıratkerleri, Ortalyq apparattyń qyzmetkerleri qatysty. Sondaı-aq, beınekonferensıa baılanysy arqyly partıanyń barlyq aımaqtyq fılıaldary qosyldy.
Erlan Qoshanov jıynǵa qatysýshylardyń nazaryn Joldaý – Jańa Ádiletti Qazaqstan qurý jolyndaǵy taǵy bir úlken qadam ekenine aýdardy.
– Joldaýda Prezıdent ádettegideı, qazaqstandyqtardyń eń ózekti saýaldaryna naqty jaýabyn berdi. Bul bastaý alǵan saıası ózgeristerdiń jalǵasy. Prezıdenttiń sózi men isi bir jerden shyǵatynynyń taǵy bir dáleli – osy. Aldaǵy saılaý naýqandarynyń kestesi jarıalandy. Memleket basshysy Prezıdent mandatyn qysqartý jáne uzaqtyǵy 7 jyldyq bir merzimmen shekteý jóninde bastama kóterdi. Munyń bári reformalar baǵytynyń dáıektiligin jáne onyń eldegi demokratıany nyǵaıtýǵa baǵyttalǵanyn kórsetedi, – dedi ol.
Sonymen qatar, partıa Tóraǵasy qazirgi syn-qaterlerge qaramastan, Prezıdent memlekettik áleýmettik saıasatty kúsheıtip jatqanyn atap ótti: bilim berý men densaýlyq saqtaýdy damytýǵa, jastar men aýyl sharýashylyǵyn qoldaýǵa úlken qarajat bólinýde, barlyq áleýmettik tólemder ındekstelýde, zeınetaqy qaıta qaralýda, «Ulttyq qor – balalarǵa» jobasy iske qosylýda.
– «AMANAT» partıasy elimizdiń jetekshi saıası kúshi retinde Memleket basshysynyń saıası jáne áleýmettik-ekonomıkalyq bastamalaryn tolyq qoldaıdy. Prezıdenttiń Joldaýda usynǵan barlyq reformalary – bul eldiń jańa jaǵdaıda damýyna tyń serpin beretin progresıvti ári ýaqtyly sharalar, – dep atap ótti Erlan Qoshanov.
Sondaı-aq is-shara barysynda partıanyń Saıası keńesi Búrosynyń múshesi, «Egemen Qazaqstan» respýblıkalyq gazetiniń Bas dırektory Darhan Qydyráli sóz sóıledi. Onyń aıtýynsha, Joldaý el damýynyń aldaǵy baǵytyn aıqyndaıdy.
– Memleket basshysy óz Joldaýynda halyqty tolǵandyratyn barlyq ózekti máseleni qamtydy. Bul sý resýrstarynyń jetispeýshiligi, jol jóndeý, aýyldaǵy medısınany damytý, ıgerilmegen jerlerdi qaıtarý jáne taǵy basqalar. Sondyqtan biz Prezıdenttiń baǵytyn tolyq qoldaımyz, – dedi Darhan Qydyráli.
Óz kezeginde «AMANAT» partıasy Almaty qalalyq fılıalynyń atqarýshy hatshysy Meıirjan Otynshıev Almatynyń jastar men stýdentter qalasy ekenin atap ótti.
– Bul rette, 100 myń jas azamatty jumysqa ornalastyrý, jas kásipkerlerge jeńildikpen nesıe berý, stýdentter jataqhanasynyń máselesin sheshý boıynsha naqty sharalar qamtylǵan Joldaý – bolashaq urpaqtyń máseleleri Prezıdenttiń nazarynda ekenin aıqyndap otyr, – dedi Meıirjan Otynshıev.
Partıanyń Soltústik Qazaqstan oblystyq fılıalynyń atqarýshy hatshysy Ásem Rahmetova barlyq mindet qoǵamnyń, memlekettik apparattyń jáne «AMANAT» partıasynyń ortaq kúsh-jigerimen iske asady degen pikir bildirdi.
«Búgingi jumysymyzda qoǵamdyq dıalog, ashyqtyq, turǵyndardyń muń-muqtajyna jedel den qoıý máselesi basym baǵyt bolýy tıis. Sol arqyly oıǵa alǵan dúnıeniń barlyǵyn iske asyra alamyz», – dedi ol.
Jıyn qorytyndysy boıynsha «AMANAT» Tóraǵasy Erlan Qoshanov partıanyń Ortalyq apparaty men óńirlik fılıaldarynyń aldyna Joldaýdy halyq arasynda ilgeriletý jáne onda aıtylǵan Memleket basshysynyń reformalaryn iske asyrý úshin barlyq partıalyq resýrstardy jumyldyrý jóninde birqatar naqty mindetter qoıdy.
https://dalanews.kz/aimak/80915-qasymbek-qayda-qarap-otyr-temirtau
